ନୂଆଦିଲ୍ଲୀ,୨ା୧୧: ରାଜ୍ୟର ପ୍ରମୁଖ ତଥା ବ୍ରହ୍ମପୁରର ସର୍ବବୃହତ୍ ଶାଢ଼ି ଏବଂ ଗାର୍ମେଣ୍ଟସ୍ ପ୍ରତିଷ୍ଠାନ ‘ଶ୍ରୀଦୁର୍ଗା’ ଫ୍ୟାମିଲି ଷ୍ଟୋର ପକ୍ଷରୁ ମେଗା ଲକି ଡ୍ର’ର ବିଜେତା ସମ୍ପର୍କରେ ଘୋଷଣା କରାଯାଇଛି। ଏପରିକି ବ୍ରହ୍ମପୁରସ୍ଥିତ ସ୍ଥାନୀୟ ଶୁଭମ୍ ସେଲିବ୍ରେସନ୍ସଠାରେ ଷ୍ଟୋର ପକ୍ଷରୁ ଆୟୋଜିତ ଏକ ସ୍ବତନ୍ତ୍ର କାର୍ଯ୍ୟକ୍ରମରେ ମେଗା ଲକି ଡ୍ର’ର ବିଜେତାମାନଙ୍କୁ ସମ୍ମାନିତ ସହ ପୁରସ୍କାର ପ୍ରଦାନ କରାଯାଇଛି। ଏହି ଅବସରରେ ଗଞ୍ଜାମ ଚାମ୍ବର ଅଫ୍ କମର୍ସର ସଭାପତି ଇପାରି ଶିବପ୍ରସାଦ ରାଓ, ସମ୍ପାଦକ ଭି.ସନ୍ତୋଷ କୁମାର ସମ୍ମାନିତ ଅତିଥି ଭାବେ ଯୋଗଦେଇ ଲକି ଡ୍ର’ର ଭାଗ୍ୟଶାଳୀ ବିଜେତାମାନଙ୍କୁ ପୁରସ୍କାର ପ୍ରଦାନ କରିଥିଲେ। ଉଲ୍ଲେଖଯୋଗ୍ୟ ଯେ ସୋମପେଟା ସହରର ଅଚ୍ୟୁତ ଚୌଧୁରୀ ପ୍ରଥମ ଭାଗ୍ୟଶାଳୀ ବିଜେତା ଭାବେ ସ୍କୁଟର ଜିତିଥିବା ବେଳେ ୬ ଜଣ ରେଫ୍ରିଜରେଟର, ୬ ଜଣ ୱାଶିଂ ମେଶିନ ଏବଂ ୬୦ ଜଣ ଇଣ୍ଡକ୍ସନ କୁକର ଜିତିବାର ସୁଯୋଗ ମଧ୍ୟ ପାଇଛନ୍ତି। ସର୍ବମୋଟ ୭୩ ଜଣ ଭାଗ୍ୟଶାଳୀ ବିଜେତା ଲକି ଡ୍ର ଜରିଆରେ ଉପହାର ଜିତିଛନ୍ତି। ସୂଚନାଯୋଗ୍ୟ ଯେ ଶାରଦୀୟ ପୂଜା ଅବସରରେ ଆରମ୍ଭ ହୋଇଥିବା ‘ଯେତେ କିଣିବେ ସେତେ ଜିତିବେ’ ଅଫର ସମ୍ପର୍କରେ ଘୋଷଣା କରାଯାଇଥିଲା। ଉକ୍ତ ଅଫର୍ ଚଳିତ ବର୍ଷ ସେପ୍ଟେମ୍ବର ୩ ରୁ ଅକ୍ଟୋବର ୧୦ ତାରିଖ ପର୍ଯ୍ୟନ୍ତ ‘ଶ୍ରୀଦୁର୍ଗା’ର ସମସ୍ତ ଷ୍ଟୋରରେ ଜାରି ରହିଥିଲା। ଯେଉଁଥିରେ ପ୍ରତ୍ୟେକ ୯୯୯ ଟଙ୍କାର କ୍ରୟ ଉପରେ ଗ୍ରାହକଙ୍କୁ ଲକି ଡ୍ର’ କୁପନ ପ୍ରଦାନ କରାଯାଇଥିଲା। ମେଗା ଲକି ଡ୍ର ବ୍ୟତୀତ ସାପ୍ତାହିକ ଲକି ଡ୍ର’ରେ ମୋଟ ୧୨ ଜଣ ଭାଗ୍ୟଶାଳୀ ବିଜେତା ୱେଟ ଗ୍ରାଇଣ୍ଡର ଜିତିଥିଲେ। ଏହି କ୍ରମରେ ଚଳିତ ବିବାହ ଋତୁ ପାଇଁ ମଧ୍ୟ ଷ୍ଟୋର ପକ୍ଷରୁ ଆସନ୍ତା ୪ ମାସ ପର୍ଯ୍ୟନ୍ତ ‘ବାଏ ଏବଂ ଫ୍ଲାଏ’ ଅଫର ସମ୍ପର୍କରେ ଶ୍ରୀଦୁର୍ଗା ଫ୍ୟାମିଲି ଷ୍ଟୋରର ମୁଖ୍ୟ ଦର୍ଶନ କୁମାର ଘୋଷଣା କରିଛନ୍ତି।
