ଅଶୀ ଦଶକରୁ ପ୍ରାୟ ଏକ ଦଶନ୍ଧି ଧରି ଦର୍ଶକଙ୍କ ହୃଦୟରେ ବିଭିନ୍ନ ଚରିତ୍ରରେ ନିଖୁଣ ଅଭିନୟ କରି ଦର୍ଶକଙ୍କ ମହଲରେ ହଇଚଇ ସୃଷ୍ଟି କରିଥିବା ଏହି ବଲିଉଡ ଅଭିନେତ୍ରୀ ଥିଲେ ଶ୍ରୀଦେବୀ। ୧୯୬୩ ମସିହା ଅଗଷ୍ଟ ୧୩ ତାରିଖରେ ସେ ଜନ୍ମ ହୋଇଥିଲେ। ୨ଜୁନ ୧୯୯୬ ମସିହାରେ ସେ ବୋନୀ କପୁରଙ୍କୁ ବିବାହ କରିଥିଲେ । ତାଙ୍କର ଦୁଇଟି ଝିଅ ଜାହ୍ନବୀ ଏବଂ ଖୁସି। ତାମିଲ, ହିନ୍ଦୀ, ତେଲୁଗୁ, ମାଲୟାଲମ ସହିତ କନ୍ନଡ ଫିଲ୍ମରେ ନିଜର ଅଭିନୟର ଯାଦୁ ଦେଖାଇଥିଲେ। ଭାରତୀୟ ଫିଲ୍ମ ଜଗତର ପ୍ରଥମ ମହିଳା ସୁପରଷ୍ଟାର ରୂପେ ପରିଚିତ। ଯିଏ ୨୦୧୩ରେ ଭାରତ ସରକାରଙ୍କଠାରୁ ପଦ୍ମଶ୍ରୀ ପୁରସ୍କାରରେ ସମ୍ମାନିତ ହୋଇଥିଲେ। ବିଭିନ୍ନ ସଫଳତାର ଅଧିକାରୀ ଏହି ଅଭିନେତ୍ରୀ। ଶ୍ରୀଦେବୀ ଓ ବୋନି କପୁରଙ୍କ ଲଭ ଷ୍ଟୋରି କୌଣସି ଫିଲ୍ମର କାହାଣୀଠାରୁ କମ ନୁହେଁ। ଶ୍ରୀଦେବୀଙ୍କୁ ବୋନି ଏତେ ଭଲ ପାଉଥିଲେ ଯେ ତାଙ୍କ ମୃତ୍ୟୁ ପରେ ସେ ସମ୍ପୂର୍ଣ୍ଣ ଭାଙ୍ଗି ପଡ଼ିଥିଲେ। ତେବେ ଶ୍ରୀଦେବୀ ଓ ବୋନି କପୁରଙ୍କର ପ୍ରେମ କାହାଣୀ ସମ୍ପର୍କରେ ଖୁବ କମ ଲୋକ ଜାଣନ୍ତି। ବୋନି କପୁର ଯେତେବେଳେ ଶ୍ରୀଦେବୀଙ୍କୁ ପ୍ରପୋଜ କରିଥିଲେ ସେତେବେଳେ ସେ ବହୁତ ଜୋରରେ ରାଗିଯାଇଥିଲେ। କାରଣ ବୋନି ସେତେବେଳେ ବିବାହିତ ଥିଲେ। ବିବାହ ପରେ ହିଁ ସେ ଶ୍ରୀଦେବୀଙ୍କୁ ଭଲ ପାଇ ବସିଥିଲେ। ଏକ ଇଣ୍ଟରଭ୍ୟୁରେ ବୋନି କପୁର ଏହା କହିଥିଲେ। ବୋନି କହିଥିଲେ ଯେ ଶ୍ରୀଦେବୀଙ୍କୁ ସେ ଦୀର୍ଘ ଦିନ ହେବ ଭଲ ପାଉଥିଲେ। କିନ୍ତୁ ସାହାସ କରି କହିପାରିନଥିଲେ। ଥରେ ଶ୍ରୀଦେବୀ ଓ ତାଙ୍କ ମାଙ୍କୁ ବୋନି କପୁର ଓ ତାଙ୍କ ସାଙ୍ଗମାନଙ୍କ ସହ ଡିନରରେ ଯିବାର ଥିଲା। କିନ୍ତୁ ଶ୍ରୀଦେବୀଙ୍କ ମାଙ୍କ ଦେହ ଖରାପ ହେବାରୁ ତାଙ୍କୁ ଏକା ହିଁ ଯିବାକୁ ପଡ଼ିଥିଲା। ଏଣୁ ଫିଲ୍ମ ର୍ନିମାତା ବୋନି ଶ୍ରୀଦେବୀଙ୍କୁ ଘରକୁ ଛାଡିବାକୁ ଆସିଥିଲେ। ସେହି ସମୟରେ ସେ ପ୍ରେମ ନିବେଦନ କରିଥିଲେ। ପ୍ରପୋଜ କରିବା ପରେ ପ୍ରାୟ ୮ ମାସ ପର୍ଯ୍ୟନ୍ତ ଶ୍ରୀଦେବୀ ବୋନିଙ୍କ ସହ କଥା କଥା ହୋଇନଥିଲେ। ୧୯୯୬ ମସିହା ଜୁନ ୨ ତାରିଖରେ ବୋନି ଓ ଶ୍ରୀଦେବୀ ପରସ୍ପରକୁ ବିବାହ କରିଥିଲେ। ତାଙ୍କର ଜାହ୍ନବୀ ଓ ଖୁସି ନାମରେ ୨ ଝିଅ ଅଛନ୍ତି। ୨୦୧୮ ଫେବୃଆରୀ ୨୪ ତାରିଖରେ ଶ୍ରୀଦେବୀଙ୍କ ମୃତ୍ୟୁ ଘଟିଥିଲା।
