ନୂଆଦିଲ୍ଲୀ,୩।୬: ଭାରତର ୧ ନମ୍ବର ଟ୍ରାକ୍ଟର ରପ୍ତାନିକାରୀ ବ୍ରାଣ୍ଡ୍ ସୋନାଲିକା ଟ୍ରାକ୍ଟର ଚଳିତ ବର୍ଷ ମେ’ ମାସରେ ୧୩,୭୦୨ ୟୁନିଟ୍ ଟ୍ରାକ୍ଟର ବିକ୍ରି କରିଛି। ଏପରିକି ୨୦୨୩ ମେ’ ମାସରେ ବ୍ରାଣ୍ଡ୍ ୧୧.୪୨%ର ଘରୋଇ ଅଭିବୃଦ୍ଧି ହାସଲ କରିଥିବା ବେଳେ ଶିଳ୍ପ ଅଭିବୃଦ୍ଧିରେ ୪ ଗୁଣ (ହାରାହାରି ୨.୭%) ଅଧିକ । ଅପରପକ୍ଷରେ ବ୍ରାଣ୍ଡ୍ ୨୦୨୨ ମେ ମାସରେ ୧୨,୬୧୫ ୟୁନିଟ୍ ଟ୍ରାକ୍ଟର ବିକ୍ରି କରିଥିଲା। ଇଣ୍ଟରନ୍ୟାଶନାଲ ଟ୍ରାକ୍ଟର୍ସ ଲିମିଟେଡ୍ର ଯୁଗ୍ମ ପରିଚାଳନା ନିର୍ଦ୍ଦେଶକ ରମଣ ମିତ୍ତଲ କହିଛନ୍ତି, ଚଳିତ ବର୍ଷ ମେ’ ମାସରେ ଆମେ ସର୍ବାଧିକ ୧୩,୭୦୨ଟି ଟ୍ରାକର ବିକ୍ରି ସହ ଘରୋଇ ଶିଳ୍ପ ଅଭିବୃଦ୍ଧି ତୁଳନାରେ ୪ ଗୁଣ ଅଧିକ ବୃଦ୍ଧି ହାସଲକରି ଖୁସି ଅନୁଭବ କରୁଛୁ। ଏପରିକି ଏହି ସଫଳତା କୃଷକଙ୍କ ସମୃଦ୍ଧି ପାଇଁ ଭାରତରେ କୃଷି ଭିତ୍ତିଭୂମିକୁ ରୂପାନ୍ତର କରିବା ଓ ଆଗକୁ ବଢ଼ାଇବା ଦିଗରେ କମ୍ପାନୀର ପ୍ରତିବଦ୍ଧତାକୁ ସୂଚିତ କରୁଛି। ସେହିଭଳି ବ୍ରାଣ୍ଡ୍ର ଉପତ୍ାଦ ଶୃଙ୍ଖଳା ଓ ସମ୍ବନ୍ଧିତ କୃଷି ଟେକ୍ନୋଲୋଜି କ୍ଷେତ୍ରରେ ଆମର ନିରନ୍ତର ଉନ୍ନତୀକରଣ କମ୍ପାନୀକୁ ପ୍ରଗତିଶୀଳ ଅଭିବୃଦ୍ଧି ହାସଲ କରିବା ପାଇଁ ସଶକ୍ତ କରୁଛି। ବିଶେଷକରି କୃଷକମାନେ ଯେପରି ଉପତ୍ାଦକତା ଓ ଲାଭର ନୂତନ ସ୍ତରରେ ପହଞ୍ଚତ୍ବେ ତାହା ସୁନିଶ୍ଚିତ କରିବା ଜାରି ରଖିବୁ। ଉଲ୍ଲେଖଯୋଗ୍ୟ, ସୋନାଲିକା କୃଷି ଯାନ୍ତ୍ରିକୀକରଣର ବିସ୍ତୃତ ଗ୍ରହଣୀୟତାକୁ ତ୍ୱରାନ୍ବିତ କରିବା ଉପରେ ଗୁରୁତ୍ୱ ଦେଉଛି। କାରଣ ବର୍ତ୍ତମାନ ସୁଦ୍ଧା ଭାରତରେ ପ୍ରାୟ ୪୫% କୃଷିର ଯାନ୍ତ୍ରିକୀକରଣ ହୋଇଛି।
