ନୂଆଦିଲ୍ଲୀ,୧୨।୧୧: ସାରା ବିଶ୍ୱରେ ସ୍ମାର୍ଟଫୋନର ଚାହିଦା ଦ୍ରୁତ ଗତିରେ ବୃଦ୍ଧି ପାଉଛି। ପ୍ରତିଦିନ ନୂଆ କମ୍ପାନୀ ବଜାରରେ ସ୍ମାର୍ଟଫୋନ ଲଞ୍ଚ କରୁଛନ୍ତି। କିନ୍ତୁ ୨୦୨୫ରେ ସ୍ମାର୍ଟଫୋନ ମହଙ୍ଗା ହୋଇପାରେ। ଏହା ପଛରେ ତିନୋଟି ବଡ କାରଣ ସାମ୍ନାକୁ ଆସିଛି। ଯେହେତୁ AI ର ବ୍ୟବହାର ବଢୁୁଛି, ବଡ ଟେକ କମ୍ପାନୀଗୁଡିକ ମଧ୍ୟ AI ଉପରେ ଗୁରୁତ୍ୱ ଦେଉଛନ୍ତି। ଏଭଳି ପରିସ୍ଥିତିରେ ଫୋନର ମୂଲ୍ୟ ବୃଦ୍ଧି ପାଉଛି।
୨୦୨୫ରେ ସ୍ମାର୍ଟଫୋନର ମୂଲ୍ୟ ବୃଦ୍ଧି ପଛରେ ତିନୋଟି କାରଣ ହୋଇପାରେ। ପ୍ରଥମତଃ ଭଲ ଉପାଦାନଗୁଡ଼ିକର ମୂଲ୍ୟ ବୃଦ୍ଧି, ଦ୍ୱିତୀୟତଃ 5G ନେଟୱାର୍କର ଆଗମନ ହେତୁ ଖର୍ଚ୍ଚ ବୃଦ୍ଧି ଏବଂ ତୃତୀୟରେ, AI ପରି ନୂତନ ବୈଷୟିକ ଜ୍ଞାନର ବ୍ୟବହାର। ରିସର୍ଚ୍ଚ ଅନୁଯାୟୀ ସ୍ମାର୍ଟଫୋନର ହାରାହାରି ମୂଲ୍ୟ ୨୦୨୪ରେ ୩% ଏବଂ ୨୦୨୫ରେ ୫% ବୃଦ୍ଧି ହୋଇପାରେ। ଏହାର କାରଣ ହେଉଛି ଲୋକମାନେ ବର୍ତ୍ତମାନ ଅଧିକ ଶକ୍ତିଶାଳୀ ପ୍ରୋସେସର୍ ଏବଂ ଏଇ ସହିତ ମହଙ୍ଗା ଫୋନ କିଣୁଛନ୍ତି ।
ଜେନେରେଟିଭ AI ହେତୁ ସ୍ମାର୍ଟଫୋନ ମହଙ୍ଗା ହେଉଛି। ଲୋକମାନେ AI ଫିଚରକୁ ବହୁତ ପସନ୍ଦ କରନ୍ତି । ତେଣୁ, ସ୍ମାର୍ଟଫୋନ ଉତ୍ପାଦନକାରୀ କମ୍ପାନୀଗୁଡିକ ଅଧିକ ଶକ୍ତିଶାଳୀ CPU, NPU ଏବଂ GPU ସହିତ ଚିପ୍ସ ପ୍ରସ୍ତୁତ କରୁଛନ୍ତି । ଏହି ଚିପ୍ସର ମୂଲ୍ୟ ସାଧାରଣତଃ ବହୁତ ଅଧିକ, ଯେଉଁଥିପାଇଁ ଫୋନର ମୂଲ୍ୟ ମଧ୍ୟ ବଢିଥାଏ। ଚିପ୍ସ ତିଆରି ପାଇଁ ନୂତନ ଟେକ୍ନୋଲୋଜି ଯଥା 4nm ଏବଂ 3nm ଭଳି ଉପାଦାନଗୁଡ଼ିକର ମୂଲ୍ୟ ମଧ୍ୟ ବୃଦ୍ଧି ପାଉଛି । ଏହା ବ୍ୟତୀତ କମ୍ପାନୀଗୁଡିକ ସଫ୍ଟୱେର୍ ତିଆରି ଏବଂ ଉନ୍ନତି ପାଇଁ ଅଧିକ ଅର୍ଥ ଖର୍ଚ୍ଚ କରିବାକୁ ପଡିଥାଏ।
