ବେଣ୍ଡ୍,୧୬ା୧୦: ଆମେରିକାର ଓରେଗନ ରାଜ୍ୟ ଅନ୍ତର୍ଗତ ବେଣ୍ଡ୍ସ୍ଥିତ ଏକ ଏଲିମେଣ୍ଟାରି ସ୍କୁଲରେ ଜଣେ ୧୬ ବର୍ଷୀୟ ନାବାଳକଙ୍କ ଗୁଳିମାଡ଼ରେ ୩ ଜଣ ପିଲା ଏବଂ ଜଣେ ଶିକ୍ଷକଙ୍କ ମୃତ୍ୟୁ ଘଟିଛି।
ଭିତରୁ ଅନ୍ୟ ଜଣେ ଗୁଳି ଚଳାଇବାରୁ ଉକ୍ତ ସନ୍ଦିଗ୍ଧ ନାବାଳକଙ୍କ ମୃତ୍ୟୁ ଘଟିଥିବା ବେଣ୍ଡ୍ ପୋଲିସ ମୁଖ୍ୟ ମାଇକ୍ କ୍ରାଣ୍ଟଜ୍ କହିଛନ୍ତି। ମୃତ ୩ ପିଲାଙ୍କ ବୟସ ଯଥାକ୍ରମେ ୫, ୮ ଓ ୧୧ ବର୍ଷ। ଗୁଳିମାଡ଼ରେ ଆହତ ଅନ୍ୟ ଜଣେ ୭ ବର୍ଷର ପିଲା ଓ ୫୪ ବର୍ଷୀୟ ଶିକ୍ଷକଙ୍କୁ ଗୁରୁତର ଅବସ୍ଥାରେ ହସ୍ପିଟାଲ ନିଆଯାଇଥିବା ବେଳେ ସେଠାରେ ଶିକ୍ଷକଙ୍କ ମୃତ୍ୟୁ ଘଟିଛି।
ପୋଲିସ ମୁଖପାତ୍ର ଶେଇଲା ମିଲରଙ୍କ କହିବା ଅନୁଯାୟୀ, ଆକ୍ରମଣକାରୀ ବେଣ୍ଡ୍ ଅଞ୍ଚଳର ନାବାଳକ। ଅଫିସରମାନେ ପହଞ୍ଚିବାର କିଛି ସମୟ ପରେ ଗୁଳିମାଡ଼ରେ ସେ ସ୍କୁଲରେ ଟଳିପଡ଼ିଥିଲେ। ତେବେ ଆକ୍ରମଣକାରୀ ସ୍କୁଲର କାହାକୁ ଜାଣନ୍ତି କି ନାହିଁ ଏବଂ ସେ ଉକ୍ତ ସ୍କୁଲରେ ଯୋଗଦେଇଥିଲେ କି ନାହିଁ ପୋଲିସ ଜାଣି ନ ଥିବା କହିଛି। ପିଲାମାନଙ୍କୁ ବସ୍ ଯୋଗେ ନିକଟସ୍ଥ ଏକ ଚର୍ଚ୍ଚକୁ ନିଆଯାଇଥିଲା, ଯେଉଁଠି ସେମାନେ ପରିବାର ସଦସ୍ୟଙ୍କ ସହ ଏକାଠି ହୋଇଥିଲେ।