ମୁମ୍ବାଇ: ଦୀର୍ଘବର୍ଷ ପରେ ବିଗ୍ ବି’ ଅମିତାଭ ବଚ୍ଚନ ଏବଂ କିଙ୍ଗ୍ଖାନ୍ ଶାହାରୁଖ ପରଦାରେ ଏକାଠି ନଜର ଆସିଛନ୍ତି। ଏକ ବିଜ୍ଞାପନରେ ଉଭୟଙ୍କୁ ଦେଖିବାକୁ ମିଳିଥିଲା। ଉଭୟଙ୍କ କେମିଷ୍ଟ୍ରି ବି ବହୁତ ଭଲ ଥିଲା। ଏବେ ଭେଟେରାନ ନିର୍ଦ୍ଦେଶକ ଆର ବଲ୍କି ଅମିତାଭ ଏବଂ ଶାହାରୁଖଙ୍କ ସହ ବିଜ୍ଞାପନ ଶୁଟିଂସେଟ୍ର ଫଟୋ ଶେୟାର କରିଛନ୍ତି।
ଯଦିଓ ଅମିତାଭ ଏବଂ ଶାହାରୁଖ ଅନେକ ଫିଲ୍ମରେ ଏକାଠି କାମ କରିଛନ୍ତି, କିନ୍ତୁ ପ୍ରଥମଥର ପାଇଁ ଉଭୟଙ୍କୁ ଏକ ବିଜ୍ଞାପନ ଶୁଟ୍ରେ ଦେଖିବାକୁ ମିଳିଥିଲା। ଦୀର୍ଘବର୍ଷ ପରେ ପ୍ରଶଂସକମାନେ ସେମାନଙ୍କୁ ଏକ ବିଜ୍ଞାପନରେ ଦେଖି ବହୁତ ଖୁସି ହୋଇଛନ୍ତି। ନିର୍ଦ୍ଦେଶକ ଆର ବଲ୍କି ଏକ ସାକ୍ଷାତକାରରେ କହିଛନ୍ତି, ବିଜ୍ଞାପନ ଶୁଟିଂ ସେଟ୍ରେ ଅମିତାଭ ଏବଂ ଶାହାରୁଖଙ୍କ ମଧ୍ୟରେ କି ପ୍ରକାର ବନ୍ଧନ ଥିଲା।
ସେ କହିଛନ୍ତି, ଅମିତାଭଙ୍କ ପ୍ରାୟ ଅଧ ଘଣ୍ଟା ପୂର୍ବରୁ ଶାହାରୁଖ ଶେଟ୍ରେ ପହଞ୍ଚୁଥିଲେ। ଦୁହେଁ ଶୁଟିଂ ଦିନ ଭେଟିଥିଲେ। ଏହା ବହୁତ ସରଳ ଥିଲା। ଶାହାରୁଖ କହୁଥିଲେ, ‘ନିଶ୍ଚିତ ହୁଅନ୍ତୁ, ମୁଁ ଅମିତ ଜୀଙ୍କର ୧୦ ମିନିଟ୍ ପୂର୍ବରୁ ସେଠାରେ ପହଞ୍ଚିବି। ତୁମେ ତାଙ୍କୁ ଯେଉଁଠାରେ ସମ୍ଭବ ସେଠାରେ ଧରି ରଖ। ଯାହା ବି ହେଇଯାଉ।
