ଢାକା,୪।୩:ବାଂଲାଦେଶର ଜଣେ ମୌଲାନା ଆଜିକାଲି ଚର୍ଚ୍ଚାରେ ଅଛନ୍ତି। ମୌଲାନା ମଦ୍ରାସାର ଛୋଟ ପିଲାମାନଙ୍କୁ କିସ୍ ଦେଉଥିବାର ଦେଖାଯାଉଛି। ସୋସିଆଲ ମିଡିଆରେ ଏହାର ଭିଡିଓ ଭାଇରାଲ ହେଉଛି। ଭିଡିଓରୁ ଏହା ସ୍ପଷ୍ଟ ହୋଇଛି ଯେ, ପିଲାମାନେ ମୌଲବୀଙ୍କ ଏହି କାର୍ଯ୍ୟରେ ଭୟଭୀତ ଅଛନ୍ତି।
ଏହି ମୌଲବୀ ବାଂଲାଦେଶର କୌଣସି ସାଧାରଣ ମୌଲାନା ନୁହଁନ୍ତି ବରଂ ସେ ବାଂଲାଦେଶ ଜମାତ-ଏ-ଇସଲାମିର ଆମୀର ଡକ୍ଟର ଶଫିକ-ଉର-ରହମାନ। ଭିଡିଓଟି ପୋଷ୍ଟ କରିଥିବା ବାଂଲାଦେଶୀ ନାଗରିକ ୟୁସୁଫ ଖାନ ଇନଷ୍ଟାଗ୍ରାମରେ ଲେଖିଛନ୍ତି, ଜମାତ ଆମିର ପିଲାମାନଙ୍କୁ କିସ୍ ଦେବା ଆଉ ହସ-ମଜାକ୍ର ବିଷୟ ନୁହେଁ। ଗତକାଲି ତାଙ୍କ ପିଲାମାନଙ୍କୁ ଚୁମ୍ବନ ଦେଉଥିବାର ଭିଡିଓ ଦେଖିବା ପରେ, ଆମକୁ ଏହି ବିଷୟରେ ଗମ୍ଭୀର ହେବାକୁ ପଡିବ। ମୁଁ ଭିଡିଓରେ ପ୍ରତ୍ୟେକ ପିଲାଙ୍କୁ ଭୟଭୀତ ହେଉଥିବାର ଦେଖିଲି। ଜମାତର ଏହି ଶିଶୁ ଯୌନ ନିର୍ଯାତନା କାର୍ଯ୍ୟକଳାପ ବନ୍ଦ କରାଯିବା ଉଚିତ।
ଭାଇରାଲ ହେଉଥିବା ଭିଡିଓରେ ଦେଖାଯାଉଛି ଯେ, କୌଣସି କାର୍ଯ୍ୟକ୍ରମରେ ମଦ୍ରାସା ପିଲାମାନେ ଏକ ଟେବୁଲ ଉପରେ ଧାଡ଼ିରେ ବସିଛନ୍ତି ଏବଂ ବାଂଲାଦେଶର ଜମାତ ପିଲାମାନଙ୍କୁ ଭେଟିବା ବାହାନାରେ ସେମାନଙ୍କୁ ଚୁମ୍ବନ ଦେବା ଆରମ୍ଭ କରୁଛନ୍ତି। ମୌଲାନା ଗୋଟିଏ ପିଲାର ଗାଲରେ ଏବଂ ଅନ୍ୟ ଗୋଟିଏ ପିଲାର ଓଠରେ ଚୁମ୍ବନ ଦେଲେ। ଭିଡିଓରେ ସ୍ପଷ୍ଟ ଭାବରେ ଦେଖାଯାଉଛି ଯେ ମୌଲାନାଙ୍କ ଏହି କାର୍ଯ୍ୟରେ ପିଲାମାନେ ଭୟଭୀତ। ଯାହା ପରେ ସାରା ଦେଶରେ ମୌଲାନାଙ୍କ ବିରୋଧରେ କ୍ରୋଧ ଦେଖିବାକୁ ମିଳୁଛି।
ଶଫିକ-ଉର୍-ରେହମାନ ପିଲାମାନଙ୍କ ସହ ଏପରି ଘୃଣ୍ୟ କାର୍ଯ୍ୟ କରିବାର ଏହା ପ୍ରଥମ ଘଟଣା ନୁହେଁ। ଗତ ବର୍ଷ ଡିସେମ୍ବରରେ, ଜମାତ ଆମୀର କହିଥିଲେ ଯେ, ଯେଉଁ ଯୁବକମାନେ ଶେଖ ହସିନାଙ୍କୁ ଏହି ଦେଶରୁ ବାହାର କରିଛନ୍ତି, ଆମେ ସେମାନଙ୍କୁ ଭଲ ପାଇବା ଉଚିତ ଏବଂ ଆମେ ସେମାନଙ୍କୁ କିସ୍ ଦେବୁ।
জামায়াতের আমীরের চুমুর ব্যপারটা এখন আর হাসাহাসির পর্যায়ে নেই। বিশেষ করে গতকালের বাচ্চাদের সাথে চুমুর ভিডিও দেখার পর আমাদের এ ব্যপারে সিরিয়াস হতে হবে। ভিডিওতে প্রত্যেকটা বাচ্চাকে আমি আতঙ্কগ্রস্ত দেখেছি..
জামায়াতের এসব পেডোফিলিক কার্যক্রম বন্ধ করতে হবে। pic.twitter.com/QCbGslyFOQ
— Yusuf Khan (@KhanYusuf98) March 3, 2025
