ନୂଆଦିଲ୍ଲୀ,୫।୯:ରାସନ କାର୍ଡ କେବଳ ଶସ୍ତାରେ ରାସନ ପାଇବାର ମାଧ୍ୟମ ନୁହେଁ, ବରଂ ଏହା ଏକ ଗୁରୁତ୍ୱପୂର୍ଣ୍ଣ ସରକାରୀ ପରିଚୟପତ୍ର ଏବଂ ଠିକଣା ପ୍ରମାଣପତ୍ର (Address Proof) ଭାବରେ ମଧ୍ୟ କାମ କରେ। ସାଧାରଣତଃ ପୂରା ପରିବାର ପାଇଁ ଗୋଟିଏ ରାସନ କାର୍ଡ ତିଆରି ହୋଇଥାଏ। କିନ୍ତୁ ପରିବାରର ସଦସ୍ୟମାନେ ନିଜର ଅଲଗା ରାସନ କାର୍ଡ କରିପାରିବେ କି?
ଉତ୍ତର ହେଉଛି ହଁ! କିନ୍ତୁ ଆପଣ ନିଜ ଇଚ୍ଛା ଅନୁସାରେ ଯେକୌଣସି ସମୟରେ ଅଲଗା ରାସନ କାର୍ଡ କରିପାରିବେ ନାହିଁ। ଏଥିପାଇଁ ସରକାରଙ୍କ ଦ୍ୱାରା ର୍ନିଦ୍ଧାରିତ କିଛି ର୍ନିଦ୍ଦିଷ୍ଟ ସର୍ତ୍ତ ପୂରଣ କରିବା ବାଧ୍ୟତାମୂଳକ। ଆସନ୍ତୁ ଜାଣିବା ଅଲଗା ରାସନ କାର୍ଡ ତିଆରି କରିବାର ନିୟମଗୁଡ଼ିକ କ’ଣ।
କେବେ କରିପାରିବେ ଅଲଗା ରାସନ କାର୍ଡ?**
ବିବାହ ପରେ:
ବିବାହ ପରେ ପତ୍ନୀଙ୍କ ନାମ ତାଙ୍କ ବାପଘର ରାସନ କାର୍ଡରୁ କାଟି ସ୍ୱାମୀଙ୍କ ପରିବାର କାର୍ଡରେ ଯୋଡ଼ାଯାଇପାରିବ, କିମ୍ୱା ଉଭୟ ସୱାମୀ-ସ୍ତ୍ରୀ ମିଶି ନିଜର ଏକ ନୂଆ ଏବଂ ସୱତନ୍ତ୍ର ରାସନ କାର୍ଡ ପାଇଁ ଆବେଦନ କରିପାରିବେ।
ଅଲଗା ରୋଷେଇ ଘର କିମ୍ୱା ଚୁଲି ଥିଲେ:
ଯଦି ଆପଣ ନିଜ ପରିବାର ସହିତ ଗୋଟିଏ ଛାତ ତଳେ ରହୁଛନ୍ତି, କିନ୍ତୁ ଆପଣଙ୍କର ରୋଷେଇ ଘର, ରୋଜଗାର ଏବଂ ଘର ଖର୍ଚ୍ଚ ସମ୍ପୂର୍ଣ୍ଣ ଅଲଗା, ତେବେ ଆପଣ ନିଜ ପାଇଁ, ନିଜ ପତ୍ନୀ ଏବଂ ପିଲାମାନଙ୍କ ପାଇଁ ଅଲଗା ରାସନ କାର୍ଡ ଆବେଦନ କରିପାରିବେ। ଅବଶ୍ୟ, ଏଥିପାଇଁ ଖାଦ୍ୟ ଯୋଗାଣ ବିଭାଗର (Food Department) ଅଧିକାରୀ ତଦନ୍ତ କରି ଯାଞ୍ଚ (Verification) କରିଥାନ୍ତି।
ଅନ୍ୟ ସହରରେ ଚାକିରି କିମ୍ୱା ବସବାସ:
ଯଦି କୌଣସି ବ୍ୟକ୍ତି କାର୍ଯ୍ୟ କିମ୍ୱା ବ୍ୟବସାୟ ସମ୍ୱନ୍ଧରେ ଅନ୍ୟ ସହରକୁ ସ୍ଥାନାନ୍ତରିତ ହୋଇ ସେଠାରେ ସ୍ଥାୟୀ ଭାବରେ ରହୁଛନ୍ତି, ତେବେ ସେ ପୁରୁଣା କାର୍ଡରୁ ନାମ କାଟି ନୂତନ ଠିକଣାରେ ଅଲଗା ରାସନ କାର୍ଡ କରାଇପାରିବେ।
ଅବିବାହିତ ଲୋକଙ୍କ ପାଇଁ କ’ଣ ନିୟମ ରହିଛି?
ଜଣେ ଅବିବାହିତ ବ୍ୟକ୍ତି ନିଜର ଅଲଗା ରାସନ କାର୍ଡ କରିପାରିବେ କି? ଯଦି କୌଣସି ଅବିବାହିତ ପୁରୁଷ କିମ୍ୱା ମହିଳା ନିଜେ ରୋଜଗାର କରୁଛନ୍ତି (ଆତ୍ମର୍ନିଭରଶୀଳ), ନିଜ ବର୍ତ୍ତମାନର ଠିକଣାରେ ଅତି କମରେ ୧ ବର୍ଷ ଧରି ରହୁଛନ୍ତି ଏବଂ ନିଜର ଅଲଗା ରୋଷେଇ ଘର ଚଳାଉଛନ୍ତି, ତେବେ ସେ ‘ସିଙ୍ଗଲ-ମେମ୍ୱର ହାଉସହୋଲ୍ଡ’ (Single-Member Household) ଅଧୀନରେ ରାସନ କାର୍ଡ ପାଇଁ ଆବେଦନ କରିପାରିବେ।
କିନ୍ତୁ ଯଦି କୌଣସି ଅବିବାହିତ ବ୍ୟକ୍ତି ନିଜ ପିତାମାତାଙ୍କ ସହ ରହୁଛନ୍ତି ଏବଂ ଗୋଟିଏ ରୋଷେଇ ଘରେ ଖାଦ୍ୟ ତିଆରି ହେଉଛି, ତେବେ ତାଙ୍କୁ ଅଲଗା ରାସନ କାର୍ଡ ମିଳିବ ନାହିଁ।
ଅଲଗା ରାସନ କାର୍ଡ କରାଇବାର ସମ୍ପୂର୍ଣ୍ଣ ପ୍ରକ୍ରିୟା
ସର୍ୱପ୍ରଥମେ ଆପଣଙ୍କୁ ନିଜ ପୁରୁଣା ରାସନ କାର୍ଡରୁ ନାମ କାଟିବାର ପ୍ରମାଣପତ୍ର ବା ସରେଣ୍ଡର ସାର୍ଟିଫିକେଟ (Surrender Certificate) ନେବାକୁ ପଡ଼ିବ।
ଏହା ପରେ ନିଜ ରାଜ୍ୟର ଖାଦ୍ୟ ଏବଂ ଯୋଗାଣ ବିଭାଗର ଅଫିସିଆଲ ୱେବସାଇଟକୁ ଯାଇ ନୂଆ ରାସନ କାର୍ଡ ପାଇଁ ଆବେଦନ କରନ୍ତୁ।
ଫର୍ମ ପୂରଣ କରିବା ସମୟରେ ପରିଚୟ ପତ୍ର, ନୂତନ ଠିକଣା ପ୍ରମାଣପତ୍ର, ଆୟ ପ୍ରମାଣପତ୍ର (Income Certificate) ଏବଂ ପୁରୁଣା କାର୍ଡରୁ ନାମ କଟିବାର ପ୍ରମାଣପତ୍ର ଅପଲୋଡ କରନ୍ତୁ।
ଆବେଦନ ଦାଖଲ ହେବା ପରେ ଖାଦ୍ୟ ବିଭାଗର ଇନ୍ସପେକ୍ଟର ଆପଣଙ୍କ ଠିକଣାକୁ ଆସି ତଦନ୍ତ କରିବେ। ତଦନ୍ତ ସଠିକ ବୋଲି ଜଣାପଡ଼ିଲେ ଆପଣଙ୍କର ନୂତନ ରାସନ କାର୍ଡ ଜାରି କରିଦିଆଯିବ।
