ନୂଆଦିଲ୍ଲୀ,୨୫ ।୯: କଂଗ୍ରେସ ଅଧ୍ୟକ୍ଷ ପଦ ନିର୍ବାଚନକୁ ନେଇ ଏବେ ସବୁଠି ଚର୍ଚ୍ଚା ଚାଲିଛି । କଂଗ୍ରେସର ବରିଷ୍ଠ ନେତା ତଥା ଏମ୍ପି ଶଶି ଥରୁର ନିଜ ଦଳର ଅଧ୍ୟକ୍ଷ ପଦ ଲାଗି ସେପ୍ଟେମ୍ବର ୩୦ରେ ପ୍ରାର୍ଥିପତ୍ର ଦାଖଲ କରିବେ । ତାଙ୍କର ପ୍ରତିଦ୍ୱନ୍ଦି ରହିଛନ୍ତି ରାଜସ୍ଥାନର ମୁଖ୍ୟମନ୍ତ୍ରୀ ଅଶୋକ ଗେହଲୋଟ । ହେଲେ ଏପର୍ଯ୍ୟନ୍ତ ଗେହଲୋଟ କେବେ ପାର୍ଥିପତ୍ର ଦାଖଲ କରିବେ ତାହା ସ୍ପଷ୍ଟ ହୋଇନାହିଁ ।
ଏଥର ଗାନ୍ଧୀ ପରିବାର ଅଧ୍ୟକ୍ଷ ପଦଠାରୁ ଦୂରେଇ ରହିଥିବା ବେଳେ ଏହି ପଦ ପାଇଁ ଏବେ ଅଶୋକ ଗେହଲୋଟ ଓ ଶଶି ଥରୁରଙ୍କ ମଧ୍ୟରେ ପ୍ରତିଦ୍ୱନ୍ଦିତା ହେବାକୁ ଯାଉଥିବା କୁହାଯାଉଛି । ଏବେ ଦଳର ଅସ୍ଥାୟୀ ଅଧ୍ୟକ୍ଷା ରହିଛନ୍ତି ସୋନିଆ ଗାନ୍ଧୀ । ରାହୁଲ ଗାନ୍ଧୀ ଅଧ୍ୟକ୍ଷ ପଦରୁ ଇସ୍ତଫା ଦେବା ପରଠାରୁ ସୋନିଆ ଅସ୍ଥାୟୀ ଭାବେ ଏହି ପଦରେ ରହିଛନ୍ତି ।
ସୂଚନାଯୋଗ୍ୟ, କଂଗ୍ରେସର ବରିଷ୍ଠ ନେତା ତଥା ଏମପି ଶଶି ଥରୁର ୩୦ ସେପ୍ଟେମ୍ବରରେ ପ୍ରାର୍ଥିପତ୍ର ଦାଖଲ କରିବେ । ୨୪ ସେପ୍ଟେମ୍ବରରୁ ନାମାଙ୍କର ପ୍ରକ୍ରିୟା ଆରମ୍ଭ ହୋଇଥିବା ବେଳେ ୩୦ ସେପ୍ଟେମ୍ବର ଶେଷ ତାରିଖ ରହିଛି । ଏହି ଶେଷ ଦିନ ହିଁ ଥରୁର ପ୍ରାର୍ଥିପତ୍ର ଦାଖଲ କରିବେ ।
