ନୂଆଦିଲ୍ଲୀ, ୧୫।୩ : ଭାରତ ବର୍ତ୍ତମାନ ଅସ୍ତ୍ରଶସ୍ତ୍ର ପାଇଁ ରୁଷିଆ ଉପରେ ସମାରିକ ସରଞ୍ଜାମ ଏବଂ ଅସ୍ତ୍ରଶସ୍ତ୍ର ପାଇଁ କମ ନିର୍ଭରଶୀଳ ହେଉଛି। ଗ୍ଲୋବାଲ ଥିଙ୍କ ଟ୍ୟାଙ୍କ ଷ୍ଟକହୋମ ଆନ୍ତର୍ଜାତୀୟ ଶାନ୍ତି ଅନୁସନ୍ଧାନ ପ୍ରତିଷ୍ଠାନ ର ସଦ୍ୟତମ ରିପୋର୍ଟ ଅନୁଯାୟୀ, ଗତ ପାଞ୍ଚ ବର୍ଷରେ ୨୦୧୭ରୁ ୨୦୨୧ ମଧ୍ୟରେ ରୁଷିଆର ଅସ୍ତ୍ରଶସ୍ତ୍ର ରପ୍ତାନି ମଧ୍ୟ ହ୍ରାସ ପାଇଛି।
ଷ୍ଟକହୋମ ଆନ୍ତର୍ଜାତୀୟ ଶାନ୍ତି ଅନୁସନ୍ଧାନ ପ୍ରତିଷ୍ଠାନ ଅନୁସାରେ ଗତ ପାଞ୍ଚ ବର୍ଷ ମଧ୍ୟରେ ଭାରତର ଅସ୍ତ୍ରଶସ୍ତ୍ର ଆମଦାନୀ ହ୍ରାସ ପାଇଛି। ୨୦୧୨ରୁ ୧୬ ତୁଳନାରେ ୨୦୧୭ରୁ ୨୦୨୧ ମଧ୍ୟରେ ଭାରତର ଅସ୍ତ୍ରଶସ୍ତ୍ର ଆମଦାନୀ ତିନି ପ୍ରତିଶତ ହ୍ରାସ ପାଇଛି। ୨୦୧୨ରୁ ୧୬ ମଧ୍ୟରେ ଭାରତର ଅସ୍ତ୍ରଶସ୍ତ୍ର କ୍ରୟ କରିବା ୧୪ ପ୍ରତିଶତ ଥିଲା। କିନ୍ତୁ ୨୦୧୭ରୁ ୨୦୨୧ ମଧ୍ୟରେ ଏହା ୧୧ ପ୍ରତିଶତକୁ ଖସି ଆସିଛି।
ଏଥି ସହିତ ଦ୍ୱିତୀୟ ବୃହତ୍ତମ ଅସ୍ତ୍ରଶସ୍ତ୍ର ଆମଦାନୀକାରୀ ସାଉଦି ଆରବର ୮.୨ ପ୍ରତିଶତରୁ ୧୧ ପ୍ରତିଶତକୁ ବୃଦ୍ଧି ପାଇଛି। ରିପୋର୍ଟ ଅନୁଯାୟୀ, ୨୦୧୭ରୁ ୨୦୨୧ ମଧ୍ୟରେ ରୁଷିଆର ଅସ୍ତ୍ରଶସ୍ତ୍ର ରପ୍ତାନୀ ୪୬ ପ୍ରତିଶତ ଥିଲା। ଦ୍ୱିତୀୟ ସ୍ଥାନରେ ଫ୍ରାନ୍ସ ଥିବାବେଳେ ଏହାର ରପ୍ତାନୀ ପରିମାଣ ୨୭ ପ୍ରତିଶତ ଥିଲା। ରପ୍ତାନୀରେ ଆମେରିକା ତୃତୀୟ ସ୍ଥାନରେ ରହିବା ସହିତ ଏହାର ପରିମାଣ ୧୨ ପ୍ରତିଶତ ଥିଲା।
୨୦୧୨ରୁ ୧୬ ମଧ୍ୟରେ ଭାରତକୁ ଅସ୍ତ୍ରଶସ୍ତ୍ର ଯୋଗାଣରେ ରୁଷିଆର ଯୋଗାଦାନ ୭୦ ପ୍ରତିଶତ ଥିଲା। ରିପୋର୍ଟ ଅନୁଯାୟୀ, ୨୦୧୨ରୁ ୧୬ ତୁଳନାରେ ୨୦୧୭ରୁ ୨୦୨୧ ମଧ୍ୟରେ ବିଶ୍ୱରେ ଅସ୍ତ୍ରଶସ୍ତ୍ର ରପ୍ତାନୀର ରୁଷିଆର ଅଂଶଧନ ୪୬ ପ୍ରତିଶତ ହ୍ରାସ ପାଇଛି। ଅସ୍ତ୍ରଶସ୍ତ୍ର ଯୋଗାଣରେ ରୁଷିଆର ଅଂଶଧନ ବର୍ତ୍ତମାନ ୧୯ ପ୍ରତିଶତ ରହିଛି। ଏହି ସମୟ ମଧ୍ୟରେ ଆମେରିକାର ଅଂଶ ବୃଦ୍ଧି ପାଇଛି। ୩୨ ପ୍ରତିଶତ ଅଂଶଧନ ସହିତ ଆମେରିକା ବିଶ୍ୱର ସର୍ବବୃହତ ଅସ୍ତ୍ରଶସ୍ତ୍ର ରପ୍ତାନୀକାରୀ ପାଲଟିଛି।
ଏହି ରିପୋର୍ଟରେ ଆହୁରି ମଧ୍ୟ କୁହାଯାଇଛି ଯେ ଅସ୍ତ୍ରଶସ୍ତ୍ର ରପ୍ତାନୀର ରୁଷିଆର ଅଂଶଧନ ହ୍ରାସ ଘଟିବା କାରଣ ହେଉଛି ଭାରତ ଏବଂ ଭିଏତନାମକୁ ଅସ୍ତ୍ର ଯୋଗାଣ କମିବାରେ ଲାଗିଛି। ନ ଥିବାରୁ ଏହା ଘଟିଛି।
ରିପୋର୍ଟରେ କୁହାଯାଇଛି ଯେ ଆସନ୍ତା କିଛି ବର୍ଷ ମଧ୍ୟରେ ରୁଷିଆଠାରୁ ଭାରତ କିଛି ବଡ ଧରଣର ଅସ୍ତ୍ରଶସ୍ତ୍ର କିଣିବାକୁ ଯାଉଛି। ସେଥିମଧ୍ୟରେ ଏକେ-୨୦୩ ରାଇଫଲ ଏବଂ ଦୁଇଟି ଯୁଦ୍ଧ ପୋତ ଓ ଏସ୍-୪୦୦ ମିସାଇଲ ସିଷ୍ଟମ ଅନ୍ତର୍ଭୁକ୍ତ। ଏହା ବ୍ୟତୀତ ଭାରତ ଏବଂ ରୁଷିଆ ମଧ୍ୟରେ ଆଣବିକ ବୁଡ଼ାଜାହାଜ ବିଷୟରେ ମଧ୍ୟ ଆଲୋଚନା ଚାଲିଛି।
