ଭଣ୍ଡାରିପୋଖରୀ,୨୬।୧୨(ସ୍ବ.ପ୍ର.): ଭଦ୍ରକ ଜିଲା ଭଣ୍ଡାରିପୋଖରୀ ବ୍ଲକ ସରସଦା ସମବାୟ ସମିତି ସଭାପତି ଅବିନାଶ ରାଉତ ସୋମବାର ବିଜେଡିରେ ସାମିଲ ହୋଇଛନ୍ତି। ଏହି ଅବସରରେ ଦଳୀୟ କାର୍ଯ୍ୟାଳୟଠାରେ ବ୍ଲକ ବିଜେଡି ସଭାପତି ଲକ୍ଷ୍ମୀଧର ସାହୁଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ବିଧାୟକ ପ୍ରଫୁଲ୍ଲ ସାମଲ ଯୋଗଦେଇ ଅବିନାଶଙ୍କୁ ସ୍ବାଗତ କରିଥିଲେ। ଦଳର ସ୍ବଚ୍ଛ ଶାସନ ପଦ୍ଧତି ଓ ମୁଖ୍ୟମନ୍ତ୍ରୀଙ୍କ ନୀତି ଆଦର୍ଶରେ ଅନୁପ୍ରାଣିତ ହୋଇ ଜଣେ ଶୃଙ୍ଖଳିତ କର୍ମୀ ଭାବେ କାର୍ଯ୍ୟ କରିବାକୁ ବିଧାୟକ ତାଙ୍କୁ ପରାମର୍ଶ ଦେଇଥିଲେ। ଅବିନାଶଙ୍କ ସମେତ ବିଜେଡିରେ ସାମିଲ ହୋଇଥିବା ପ୍ରତାପ କୁମାର ନାୟକ, ରବୀନ୍ଦ୍ର ନାୟକ, କିଶୋର ଷେଣ୍ଢ ଓ ୱାର୍ଡସଭ୍ୟା ସ୍ବର୍ଣ୍ଣଲତା ପାତ୍ରଙ୍କୁ ବିଧାୟକ ସ୍ବାଗତ ଜଣାଇଥିଲେ। ଏମ୍ପିଙ୍କ ପ୍ରତିନିଧି ଲଳିତ କୁମାର ରାଉତ, ସରପଞ୍ଚ ରମେଶ ଚନ୍ଦ୍ର ଜେନା, ବିଜେଡି ନେତା ଦେବେନ୍ଦ୍ର ଦାସ, ଗୁଣାକର ବେହେରା, ଦେବେନ୍ଦ୍ର ନାଥ ଧଳ, ଭୀମସେନ ଜେନା, ପ୍ରଶାନ୍ତ ଭଞ୍ଜ, ଅକ୍ଷୟ ଜେନା, ଦେବ ପ୍ରସନ୍ନ ମହାପାତ୍ର, ରତ୍ନାକର ଭଞ୍ଜ, ପ୍ରୀତସ ରଞ୍ଜନ ନାୟକ, ଦେବେନ୍ଦ୍ର ଷେଣ୍ଢ, ରବୀନ୍ଦ୍ର ଜେନା ପ୍ରମୁଖ ଉପସ୍ଥିତ ଥିଲେ। ପଞ୍ଚାୟତ ବିଜେଡି ସଭାପତି ପୀତାମ୍ବର ଦିଅ ସମସ୍ତଙ୍କୁ ଧନ୍ୟବାଦ ଦେଇଥିଲେ।
