ମୁମ୍ବାଇ,୨।୭ : ଗତ ଦୁଇ ମାସ ଧରି ମଣିପୁରର ମେତେଇ ଏବଂ କୁକି ସମ୍ପ୍ରଦାୟ ମଧ୍ୟରେ ହିଂସା ଚାଲିଛି। ମଣିପୁର ହିଂସାର ସମାଧାନ ଖୋଜିବା ପରିବର୍ତ୍ତେ ଶାସକ ବିରୋଧୀ ଦଳଙ୍କ ମଧ୍ୟରେ ଏବେ ରାଜନୀତି ଆରମ୍ଭ ହୋଇଛି। କଂଗ୍ରେସର ରାହୁଲ ଗାନ୍ଧୀ ମଧ୍ୟ ଦୁଇ ଦିନିଆ ଗସ୍ତରେ ଯାଇ ହିଂସା ପ୍ରଭାବିତ ଲୋକଙ୍କୁ ଭେଟିଥିଲେ। ସେହିପରି ଉଦ୍ଧବ ଠାକରେ ଦଳର ନେତା ତଥା ରାଜ୍ୟସଭା ସଦସ୍ୟ ସଞ୍ଜୟ ରାଉତ ମଣିପୁର ହିଂସାକୁ ନେଇ ଏକ ବଡ଼ ବିବୃତ୍ତି ଦେଇଛନ୍ତି।
ସଞ୍ଜୟ ରାଉତ ରବିବାର ଟୁଇଟ କରି କହିଛନ୍ତି ଯଦି ଭାଜପା ସରକାର କହୁଛନ୍ତି ମଣିପୁର ହିଂସା ପୂର୍ବ ଯୋଜନା ଅନୁସାରେ ହୋଇଛି, ତେବେ ଆପଣଙ୍କ ପାଖରେ କେନ୍ଦ୍ର ସରକାର, ରାଜ୍ୟପାଳ, ମୁଖ୍ୟମନ୍ତ୍ରୀ ଅଛନ୍ତିି। କିଏ ହିଂସା ପାଇଁ ପୂର୍ବରୁ ଯୋଜନା କରିଥିଲା ଏବେ ଉତ୍ତର ଦିଅନ୍ତୁ? ମଣିପୁର ହିଂସାରେ ଚାଇନା ହାତ ଅଛି, କିନ୍ତୁ ଆପଣ ଚାଇନାକୁ କେଉଁ ଶିକ୍ଷା ଦେଇଛନ୍ତି? ସରକାର କାହିଁକି ନୀରବ ? କଂଗ୍ରେସ ନେତା ରାହୁଲ ଗାନ୍ଧୀ ମଣିପୁର ଯାଇଛନ୍ତି, ଏହା ଏକ ବଡ କଥା। ସ୍ବରାଷ୍ଟ୍ରମନ୍ତ୍ରୀ ଅମିତ ଶାହା ଯାଇ ଏକ ସଭା କରି ସେଠାରୁ ଚାଲି ଆସିଲେ। ଶାହାଙ୍କ ଗସ୍ତ ସମ୍ପୂର୍ଣ୍ଣ ବିଫଳ। ବର୍ତ୍ତମାନ ମଣିପୁରରେ ରାଷ୍ଟ୍ରପତିଙ୍କ ନିୟମ ଲାଗୁ କରାଯିବା ଉଚିତ।୨୦୨୪ ମସିହାରେ ରାହୁଲ ଗାନ୍ଧୀ ପ୍ରଧାନମନ୍ତ୍ରୀ ହେବାକୁ ଯାଉଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଣିପୁର ଯିବା ଉଚିତ। ଏହି ପ୍ରସଙ୍ଗରେ ପ୍ରଧାନମନ୍ତ୍ରୀ କାହିଁକି ନୀରବ ବୋଲି ସଞ୍ଜୟ ପ୍ରଶ୍ନ କରିଛନ୍ତି।
