ଚେନ୍ନଇ,୫।୯: ତାମିଲନାଡୁର ମୁଖ୍ୟମନ୍ତ୍ରୀ ଏମ.କେ ଷ୍ଟାଲିନଙ୍କ ପୁଅ ତଥା ମନ୍ତ୍ରୀ ଉଦୟନିଧି ଷ୍ଟାଲିନଙ୍କ ସନାତନ ଧର୍ମ ମନ୍ତବ୍ୟ ଏକ ଅଡୁଆ ପରିସ୍ଥିତି ସୃଷ୍ଟି କରିଛି। ସନାତନ ଧର୍ମକୁ ମ୍ୟାଲେରିଆ ଏବଂ ଡେଙ୍ଗୁ ସହିତ ତୁଳନା କରି ସେ ଅନେକ ସମାଲୋଚନାର ସମ୍ମୁଖୀନ ହେଉଛନ୍ତି।
ଏହି ସମୟରେ ଅଯୋଧ୍ୟାର ଜଣେ ସାଧୁ ପରମହଂସ ଆଚାର୍ଯ୍ୟ ଏକ ଭିଡିଓ ଜାରି କରିଛନ୍ତି ଯେଉଁଥିରେ ସେ ଗୋଟିଏ ହାତରେ ଉଦୟନିଧିଙ୍କ ପୋଷ୍ଟର ଏବଂ ଅନ୍ୟ ହାତରେ ଖଣ୍ଡା ଧରିଥିବାର ନଜର ଆସିଛନ୍ତି। ଭିଡିଓରେ ସେ ପୋଷ୍ଟରରେ ଉଦୟନିଧିଙ୍କ ମୁଣ୍ଡ କାଟି ନିଆଁ ଲଗାଇଥିବାର ନଜର ଆସିଛନ୍ତି।
ସାଧୁ ପରମହଂସ ଆଚାର୍ଯ୍ୟ ତାଙ୍କ ଭିଡିଓରେ ଯେଉଁମାନେ ନେତାଙ୍କ ମୁଣ୍ଡ କାଟିବେ ସେମାନଙ୍କୁ ୧୦କୋଟି ଟଙ୍କା ପୁରସ୍କାର ଦିଆଯିବ ବୋଲି ଘୋଷଣା କରିଛନ୍ତି। ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ବର୍ତ୍ତମାନ ଉଦୟନିଧି ନିଜେ ଏହି ଭିଡିଓ ଉପରେ ପ୍ରତିକ୍ରିୟା ପ୍ରକାଶ କରିଛନ୍ତି।
ଇଣ୍ଡିଆ ଟୁଡେରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ଭିଡିଓ ଉପରେ ପ୍ରତିକ୍ରିୟା ପ୍ରକାଶ କରି ଡିଏମକେ ମନ୍ତ୍ରୀ କହିଛନ୍ତି, ‘ଜଣେ ସାଧୁ ଅଛନ୍ତି ଯିଏ ମୋ ମୁଣ୍ଡ କାଟିଥିବା ଲୋକଙ୍କୁ ୧୦ କୋଟି ଟଙ୍କା ପୁରସ୍କାର ଦେବାକୁ ଘୋଷଣା କରିଛନ୍ତି। ସେ ପ୍ରକୃତରେ ଜଣେ ପ୍ରକୃତ ସାଧୁ ନା ନକଲି। ସେମାନେ କାହିଁକି ମୋ ମୁଣ୍ଡକୁ ଏତେ ପସନ୍ଦ କରନ୍ତି। ତାମିଲନାଡୁର ମନ୍ତ୍ରୀ ସାଧୁଙ୍କୁ ପ୍ରଶ୍ନ କରି ପଚାରିଲେ ସେ ଏତେ ଟଙ୍କା କେଉଁଠୁ ଆଣୁଛନ୍ତି। ମୋ କେଶକୁ କମ କରିବା ପାଇଁ ଆପଣ୧୦ କୋଟି ଟଙ୍କା ଘୋଷଣା କରୁଛନ୍ତି କି ବୋଲଇ ସେ ପ୍ରଶ୍ନ କରିଛନ୍ତି। ସେ ଆହୁରି କହିଛନ୍ତି ଯେ ଯଦି ତୁମେ ମୋତେ ୧୦ଟଙ୍କା ମୂଲ୍ୟର ପାନିଆ ଦିଅ, ମୁଁ ନିଜେ ଏହି କାମ କରିବି।
