ଚେନ୍ନାଇ,୧୩।୯ : ତାମିଲନାଡୁ ଭାଜପା ମୁଖ୍ୟ କେ ଅନ୍ନାମଲାଇ ସନାତନ ଧର୍ମ ବିରୋଧରେ ଉଦୟାନିଧି ଷ୍ଟାଲିନଙ୍କ ଘୃଣା ଭାଷଣକୁ ସମର୍ଥନ କରୁଥିବା ବ୍ୟକ୍ତିଙ୍କୁ କଡ଼ା ସମାଲୋଚନା କରିଛନ୍ତି। ଦକ୍ଷିଣ ରାଜ୍ୟରେ ହିନ୍ଦୁ ଧର୍ମ ସନାତନ ଧର୍ମଠାରୁ ଭିନ୍ନ ବୋଲି କୁହାଯାଇ ସନାତନ ଧର୍ମ ପ୍ରତି ଘୃଣାଭାବ ସୃଷ୍ଟି କରାଯାଇଥିବା ଅଭିଯୋଗ କରିଛନ୍ତି। ତାମିଲନାଡୁର ଶାସକ ଡିଏମକେ ଏହାକୁ ଅଧିକ ଜଟିଳ କରୁଛି। ଅନ୍ନାମଲାଇ ତାମିଲନାଡୁ ସରକାରଙ୍କ ଦ୍ୱାରା ପ୍ରକାଶିତ ନୈତିକତା ଏବଂ ଭାରତୀୟ ସଂସ୍କୃତି ଉପରେ ଏକ ଦ୍ୱାଦଶ ଶ୍ରେଣୀର ପାଠ୍ୟପୁସ୍ତକର ଚିତ୍ର ଶେୟାର କରିଛନ୍ତି।
ତାମିଲନାଡୁ ବକ୍ତବ୍ୟରେ ହିନ୍ଦୁ ଧର୍ମ ଏବଂ ସନାତନ ଧର୍ମକୁ ପୃଥକ କରିବାର ଦୁର୍ବଳ ବାହାନା ପ୍ରକାଶ କରିବା ପରେ ଅନ୍ନାମଲାଇ ଉଦୟାନିଧି ଷ୍ଟାଲିନଙ୍କ ସମେତ ଡିଏମକେ ନେତାମାନଙ୍କୁ ଦ୍ୱାଦଶ ଶ୍ରେଣୀରେ ଆଡମିଶନ କରିବାକୁ ପରାମର୍ଶ ଦେଇଛନ୍ତି। ସେ କହିଛନ୍ତି, ’ସନାତନ ଧର୍ମକୁ ସମାପ୍ତି କରିବା ପାଇଁ ଆହ୍ବାନ ଯୋଗୁ ସବୁଠାରୁ ନିନ୍ଦା ପାଇବା ପରେ ଉଦୟାନିଧି ଷ୍ଟାଲିନ ଏବଂ ଶେଖର ବାବୁ ଦାବି କରିଛନ୍ତି ହିନ୍ଦୁ ଧର୍ମ ଏବଂ ସନାତନ ଧର୍ମ ଭିନ୍ନ। ତାମିଲନାଡୁ ସରକାରଙ୍କ ଦ୍ୱାରା ଜାରି କରାଯାଇଥିବା ଦ୍ୱାଦଶ ଶ୍ରେଣୀ ପୁସ୍ତକରେ ଦର୍ଶାଯାଇଛି ସନାତନ ଧର୍ମ ଏବଂ ହିନ୍ଦୁ ଧର୍ମ ଏକ ଏବଂ ଅଭିନ୍ନ। ଏଥିରେ ମଧ୍ୟ ଉଲ୍ଲେଖ କରାଯାଇଛି ସନାତନ ଧର୍ମ ଏକ ଅନନ୍ତ ଧର୍ମ।
ଅନ୍ନାମଲାଇ କହିଛନ୍ତି ଆମେ ପି.କେ ଶେଖର ବାବୁ ଏବଂ ଉଦୟାନିଧି ଷ୍ଟାଲିନଙ୍କୁ ଏହି ଶ୍ରେଣୀରେ (ଦ୍ୱାଦଶ) ପାଠପଢ଼ିବାକୁ ପରାମର୍ଶ ଦେଉଛୁ।
