ସାମନ୍ଥା ରୁଥ୍ ପ୍ରଭୁ । ଦକ୍ଷିଣ ସିନେମାର ଅନ୍ୟତମ ଲୋକପ୍ରିୟ ଅଭିନେତ୍ରୀ ଯାହାଙ୍କୁ କୌଣସି ପରିଚୟର ଆବଶ୍ୟକତା ନାହିଁ। ଏଯାଏ ସେ ବଲିଉଡରେ କାମ କରିନାହାନ୍ତି ସତ ହେଲେ ତଥାପି ତାଙ୍କର ଲୋକପ୍ରିୟତା କୌଣସି ହିନ୍ଦୀ ସିନେମା ଷ୍ଟାରଙ୍କଠାରୁ କମ ନୁହେଁ। ବଲିଉଡ୍ ପ୍ରଶଂସକମାନେ ମଧ୍ୟ ସାମନ୍ଥାଙ୍କ ଫିଲ୍ମ ଦେଖିବାକୁ ଭଲ ପାଆନ୍ତି। ସାମନ୍ଥା ପୁଷ୍ପାରେ ଆଇଟମ୍ ଗୀତ ‘ଉଁ ଅଣ୍ଟାୱା’ କରିବା ଦିନଠାରୁ ତାଙ୍କର ପ୍ରଶଂସକଙ୍କ ସଂଖ୍ୟା ବହୁତ ବଢ଼ିଯାଇଛି। ଯଦିଓ ସାମନ୍ଥା ଆଜି ସାରା ବିଶ୍ୱରେ ଲୋକପ୍ରିୟ, ହେଲେ ଦିନ ଥିଲା ଯେବେ ସେ ଦିନରେ ଗୋଟିଏ ଓଳି ଖାଦ୍ୟ ଖାଇ ବଞ୍ଚୁଥିଲୋ। ଆସନ୍ତୁ ଆମେ ଆପଣଙ୍କୁ ସାମନ୍ଥାଙ୍କ ଜୀବନର ସଂଘର୍ଷ ବିଷୟରେ କହିବୁ।
ସାମନ୍ଥା ଅନେକ ବଡ଼ ପ୍ରୋଜେକ୍ଟରେ କାମ କରିଛନ୍ତି। ପବନ କଲ୍ୟାଣ, ମହେଶ ବାବୁ ଏବଂ ଆଲୁ ଅର୍ଜୁନଙ୍କ ଭଳି ପ୍ରସିଦ୍ଧ ଅଭିନେତାଙ୍କ ସହ ସେ କାମ କରିଛନ୍ତି। ଯେବେଠାରୁ ସେ ଅଭିନୟରେ କରିଛନ୍ତି ଆଉ ପଛକୁ ଫେରି ଚାହିଁ ନାହାନ୍ତି। ହିଟ୍ ପରେ ହିଟ୍ ଫିଲ୍ମ ଦେଇ ସେ ଆଗଧାଡ଼ିର ଅଭିନେତ୍ରୀ ପାଲଟିଛନ୍ତି।
ହେଲେ ଏକଦା ସାମନ୍ଥା ତାଙ୍କ ସଂଘର୍ଷପୂର୍ଣ୍ଣ ଦିନଗୁଡ଼ିକ ବିଷୟରେ ମନେପକାଇ କହିଥିଲେ, ମୁଁ ଦ୍ୱାଦଶ ଶ୍ରେଣୀ ପରେ କାମ କରିବା ଆରମ୍ଭ କରିଥିଲି। ମଡେଲିଂ ସମୟରେ ମୋତେ ବହୁତ ସଂଘର୍ଷ କରିବାକୁ ପଡିଥିଲା। ସେହି ସମୟ ବହୁତ କଷ୍ଟରେ ଗୁଜରାଣ ମେଣ୍ଟାଉ ଥିଲି। ମୋର ସ୍ନାତକ ସମାପ୍ତ କରିବା ପରେ, ମୁଁ ମଡେଲିଂ ଆରମ୍ଭ କଲି। କିନ୍ତୁ ଘରର ଆର୍ଥିକ ଅବସ୍ଥା ଭଲ ନଥିଲା। ସେଥିପାଇଁ ମୁଁ ଶୀଘ୍ର କାମ କରିବା ଆରମ୍ଭ କରିଥିଲି। ହଁ, କିନ୍ତୁ ମଡେଲିଂ ଦିନଗୁଡ଼ିକରେ କାମ କରିବା ସହଜ ନ ଥିଲା। ଅନେକ ଥର ମୋତେ ଦିନକୁ କେବଳ ଓଳିଏ ଖାଇ ବଞ୍ଚିବାକୁ ପଡୁଥିଲା।”
View this post on Instagram
’ୟେ ମାୟା ଚେସାଭେ’ ଫିଲ୍ମରୁ ସାମନ୍ଥାଙ୍କୁ ଲୋକପ୍ରିୟତା ମିଳିଥିଲା। ଏହି ସିନେମାରେ ସେ ତାଙ୍କ ପୂର୍ବତନ ସୱାମୀ ନାଗା ଚୈତନ୍ୟଙ୍କ ସହ ନଜର ଆସିଥିଲେ। ପ୍ରସିଦ୍ଧ ହିନ୍ଦୀ ୱେବ ସିରିଜ ଫ୍ୟାମିଲି ମ୍ୟାନ୍ ସିଜିନ ୨ରେ ସାମନ୍ଥା ଏକ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିଥିଲେ। ଏହି ଶୋ’ରେ ତାଙ୍କୁ ଆକ୍ସନ କରୁଥିବାର ଦେଖିବାକୁ ମିଳିଥିଲା। ଏହା ବ୍ୟତୀତ ସେ ବରୁଣ ଧାୱନଙ୍କ ସହ ସିଟାଡେଲର ହିନ୍ଦୀ ସଂସ୍କରଣରେ ମଧ୍ୟ ନଜର ଆସିଛନ୍ତି। ସାମନ୍ଥାଙ୍କ ସମ୍ପତ୍ତି ବିଷୟରେ କହିବାକୁ ଗଲେ, ତାଙ୍କର ସମ୍ପତ୍ତି ୧୦୧ କୋଟି ଟଙ୍କା। ଏହି ଅଭିନେତ୍ରୀ ଫିଲ୍ମ ପାଇଁ ଭଲ ଫିସ୍ ନିଅନ୍ତି। ବ୍ରାଣ୍ଡ ଏଣ୍ଡୋର୍ସମେଣ୍ଟ ମାଧ୍ୟମରେ ମଧ୍ୟ ବହୁତ ରୋଜଗାର କରିଥାନ୍ତି।
