ମୁମ୍ବାଇ: ବଲିଉଡ ସୁପରଷ୍ଟାର ସଲମାନ ଖାଁଙ୍କ ଭିଣୋଇ ଆୟୁଷ ଶର୍ମାଙ୍କୁ ନେଇ ଏକ ବଡ ଖବର ଆସିଛି। ତାଙ୍କ କାର ମୁମ୍ବାଇରେ ଏକ ଦୁର୍ଘଟଣାର ସମ୍ମୁଖୀନ ହୋଇଛି କିନ୍ତୁ ଘଟଣା ସମୟରେ ସେ କାର ଭିତରେ ନ ଥିବା ଜଣାପଡିଛି।
ମିଳିଥିବା ସୂଚନା ଅନୁଯାୟୀ, ଦୁର୍ଘଟଣା ସମୟରେ କାରରେ କେବଳ ଆୟୁଷ ଶର୍ମାଙ୍କ ଡ୍ରାଇଭର ଉପସ୍ଥିତ ଥିଲେ। ସେ ଏହି କାର ସହିତ ମୁମ୍ବାଇର ଏକ ଗ୍ୟାସ ଷ୍ଟେଶନ ଆଡ଼କୁ ଯାଉଥିବାବେଳେ ଏକ ବାଇକ ଡ୍ରାଇଭର ଆୟୁଷ ଶର୍ମାଙ୍କ କାର ସହିତ ଧକ୍କା ହୋଇଥିଲା। ଆହତ ହୋଇଥିବା ବିଷୟରେ କୌଣସି ସୂଚନା ଏପର୍ଯ୍ୟନ୍ତ ପ୍ରକାଶ କରାଯାଇ ନାହିଁ। ଏହି କାର ଦୁର୍ଘଟଣା ସମ୍ପର୍କରେ ଆୟୁଷ ଶର୍ମା କିମ୍ବା ସଲମାନ ଖାଁଙ୍କଠାରୁ କୌଣସି ବୟାନ ଆସିନାହିଁ।
ଆୟୁଷ ଶର୍ମା ମଧ୍ୟ ସଲମାନ ଖାନଙ୍କ ପରି ବଲିଉଡରେ ନିଜର ପରିଚୟ ସୃଷ୍ଟି କରିବାକୁ ଚାହୁଁଛନ୍ତି। ସେ ୨୦୧୮ରେ ଚଳଚ୍ଚିତ୍ର ‘ଲଭରାତ୍ରୀ’ ରୁ ନିଜର କ୍ୟାରିୟର ଆରମ୍ଭ କରିଥିଲେ। ଏହି ମୁଭିଟି ସଲମାନ ଖାଁ ତାଙ୍କ ବ୍ୟାନରରେ ପ୍ରସ୍ତୁତ କରିଥିଲେ। ତେବେ ଏହି ସିନେମା ଆୟ ଦୃଷ୍ଟିରୁ ବକ୍ସ ଅଫିସରେ ଅଧିକ କିଛି କରିପାରି ନଥିଲା।
