ନୂଆଦିଲ୍ଲୀ,୧୮ା୫:ଆସନ୍ତା ଅଷ୍ଟ୍ରେଲିଆ ଟୁର୍ ପାଇଁ ପୁରୁଖା ମିଡ୍ଫିଲ୍ଡର ସାଲିମା ଟେଟେ ଭାରତୀୟ ମହିଳା ହକି ଦଳର ଅଧିନାୟିକା ମନୋନୀତ ହୋଇଛନ୍ତି। ଡିଫେଣ୍ଡର ଲାଲ୍ଥାଣ୍ଟଲୁଆଙ୍ଗିଙ୍କୁ ପ୍ରଥମ ଥର ଦଳରେ ନିଆଯାଇଛି। ଜୁନ୍ ୧୫ରୁ ୨୧ ଅକଲାଣ୍ଡଠାରେ ଏଫ୍ଆଇଏଚ୍ ମହିଳା ନେଶନ୍ସ କପ୍ ହକି ଅନୁଷ୍ଠିତ ହେବ। ମ୍ୟାଚ୍ଗୁଡ଼ିକ ପର୍ଥରେ ମେ ୨୬ରୁ ୩୦ ପର୍ଯ୍ୟନ୍ତ ଖେଳାଯିବ। ଭାରତ ଚଳିତବର୍ଷ ପ୍ରଥମ ଭାଗରେ ଆର୍ଜେଣ୍ଟିନାରେ ଚମତ୍କାର ପ୍ରଦର୍ଶନ କରି ୪ମ୍ୟାଚ ବିଶିଷ୍ଟ ସିରିଜରେ ଦୁଇଟି ମ୍ୟାଚରେ ବିଜୟ ଲାଭ କରିଥିଲା। ସାଲିମା ହେଉଛନ୍ତି ୨୦୨୨ ରାଜ୍ୟଗୋଷ୍ଠୀ କ୍ରୀଡ଼ା ଏବଂ ଏସିଆନ ଗେମ୍ସ ବ୍ରୋଞ୍ଜ ପଦକ ବିଜେତା।
ଦଳରେ ସ୍ଥାନ ପାଇଥିବା ଅନ୍ୟ ଅଭିଜ୍ଞ ଖେଳାଳିମାନେ ହେଲେ ସବିତା, ସୁଶିଲା ଚାନୁ ପୁଖରାମବାମ୍, ଲାଲ୍ରେମସିଆମି ଓ ନବନୀତ କୌର। ସବିତା ଓ ବିଚୁ ଦେବୀ ହେଉଛନ୍ତି ନିର୍ଭରଯୋଗ୍ୟ ଗୋଲ୍କିପର। ଡିଫେନ୍ସରେ ନିକ୍କି ପ୍ରଧାନ, ଇଶିକା ଚୌଧାରୀ, ସୁଶିଲା ଚାନୁ ପୁଖରାମବାମ୍, ଲାଲଥାଣ୍ଟ ଲୁଆଙ୍ଗି ଏବଂ ନବାଗତ ଶିଳ୍ପୀ ଦାବାସଙ୍କ ସହିତ ଜ୍ୟୋତି ସିନିୟର ଦଳରେ ସ୍ଥାନ ପାଇଛନ୍ତି। ମ୍ୟାଚଗୁଡ଼ିକ ମେ’ ୨୬, ୨୭, ୨୯ ଏବଂ ୩୦ରେ ଖେଳାଯିବ।
ଭାରତୀୟ ମହିଳା ହକି ଦଳ: ଗୋଲକିପର: ସବିତା, ବିଚୁ ଦେବୀ ଖରିବାମ୍। ଡିଫେଣ୍ଡର: ନିକ୍କି ପ୍ରଧାନ, ଇଶିକା ଚୌଧରୀ, ସୁଶିଲା ଚାନୁ ପୁଖରାମବାମ୍, ଲାଲଥାଣ୍ଟ ଲୁଆଙ୍ଗି, ଜ୍ୟୋତି ଓ ଶିଳ୍ପୀ ଦାବାସ। ମିଡ୍ଫିଲ୍ଡର: ସାଲିମା ଟେଟେ, ଲାଲରେମ୍ସିଆମି, ନେହା, ସାକ୍ଷୀ ରାଣା, ସୁନେଲିତା ଟୋପେ୍, ଦୀପିକା ସୋରେଙ୍ଗ ଓ ସୋନମ। ଫରଓ୍ବାର୍ଡ: ନଭନୀତ କୌର୍, ବଲ୍ଜିତ୍ କୌର, ଦୀପିକା, ଅନୁ, ଇଶିକା, ହୀନା ବାନୋ ଓ ଋତୁଜା ଦାଦାସୋ ପିସାଲ।