ନୂଆଦିଲ୍ଲୀ,୧।୩: The Indian Express ଦ୍ୱାରା କରାଯାଇଥିବା Most Powerful Indians ସର୍ଭେ ଅନୁସାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରଥମ ସ୍ଥାନ ଅଧିକାର କରିଛନ୍ତି। ୨୦୧୪ରୁ ଲଗାତାର ଦେଶ କ୍ଷମତାର କମାଣ ସମ୍ଭାଳିଥିବା ମୋଦି ଏବେ ଚଳିତ ନିର୍ବାନଚରେ ସେହି ବିଜୟୀ ଧାରାକୁ ବଜାୟ ରଖିବାକୁ ଆଶାବଦୀ ଅଛନ୍ତି। ତେବେ ଆପଣ ଜାଣିଛନ୍ତି କି ମୋଦି ମାସକୁ କେତେ ଦରମା ପାଆନ୍ତି ଆଉ ତାଙ୍କର ମୋଟ ସମ୍ପତ୍ତି କେତେ?
ଭାରତର ପ୍ରଧାନମନ୍ତ୍ରୀ ମୋଦି ମାସକୁ ୧ଲକ୍ଷ ୬୦ହଜାର ଟଙ୍କା ଦରମା ପାଆନ୍ତି। ଯାହା ବାର୍ଷିକ ୧୯,୨୦,୦୦୦ ଟଙ୍କା ଅଟେ। କେବଳ ଏତିକି ନୁହେଁ ଏସବୁ ବ୍ୟତୀତ ତାଙ୍କୁ ଅନ୍ୟାନ୍ୟ ଭତ୍ତା ଓ ସରକାରୀ ସୁବିଧା ମିଳିଥାଏ। ୨୦୨୨ରେ PMO Office ଦ୍ୱାରା ମୋଦିଙ୍କ ଚଳ ଓ ଅଚଳ ସମ୍ପତ୍ତିର ସୂଚନା ଜାରି କରାଯାଇଛି। ସୂଚନା ମୁତାବକ, ମୋଦିଙ୍କ ପାଖରେ ମୋଟ ୨.୨୩କୋଟି ସମ୍ପତ୍ତି ରହିଛି। ବିଏଓ ଓ୍ବେବସାଇଟ୍ରେ ଦିଆଯାଇଥିବା ସୂଚନା ଅନୁଯାୟୀ, ମୋଦିଙ୍କ ଏହି ୨.୨୩କୋଟି ଟଙ୍କା ଅଧିକାଂଶ ବ୍ୟାଙ୍କରେ ଜମା ରାଶି ଭାବରେ ରହିଛି।
ତେବେ ପିଏମଓ ଦ୍ୱାରା ଏକ ବିଶେଷ ସୂଚନା ସାମ୍ନାକୁ ଆସିଛି। ଯାହା କି, ମୋଦିଙ୍କ ପାଖରେ କୌଣସି ଅଚଳ ସମ୍ପତ୍ତି ନାହିଁ। ଗୁଜୁରାଟର ଗାନ୍ଧୀନଗରରେ ତାଙ୍କର ଏକ ଜମି ଥିଲା, ଯାହାକୁ ସେ ଦାନ କରି ଦେଇଛନ୍ତି। ମୋଦି ଯେତେବେଳେ ଗୁଜୁରାଟର ମୁଖ୍ୟମନ୍ତ୍ରୀ ଥିଲେ, ୨୦୦୨ ଅକ୍ଟୋବରରେ ସେ ଏକ ଆବାସିକ ଜମି କିଣିଥିଲେ। ଏଥିରେ ବି ସେ ତୃତୀୟ ଅଂଶଧାରୀ ଭାବେ ସାମିଲ୍ ଥିଲେ। ଅଚଳ ସମ୍ପତ୍ତି ସର୍ଭେ ସଂଖ୍ୟା ୪୦୧/ଏ ଭାବେ ଏବେ ତାଙ୍କ ପାଖରେ କୌଣସି ମାଲିକାନା ନାହିଁ। କାରଣ ସେ ତାଙ୍କର ଭାଗ ଦାନ କରି ଦେଇଛନ୍ତି।
ରିପୋର୍ଟ ମୁତାବକ, ମୋଦି କୌଣସି ବଣ୍ଡ, ଶେୟାର କିମ୍ବା ମ୍ୟୁଚୁଆଲ ଫଣ୍ଡରେ ଟଙ୍କା ନିବେଶ କରି ନାହାନ୍ତି। ଏହା ବ୍ୟତୀତ ତାଙ୍କର କୌଣସି ନିଜସ୍ବ ଗାଡି ନାହିଁ। ୨୦୨୨ ପର୍ଯ୍ୟନ୍ତ ଥିବା ସମ୍ପତ୍ତି ବିବରଣୀ ଅନୁଯାୟୀ, ତାଙ୍କ ପାଖରେ ୧.୭୩ଲକ୍ଷ ଟଙ୍କାର ୪ଟି ସୁନା ମୁଦି ରହିଛି। ସେହିପରି ପୋଷ୍ଟ ଅଫିସ୍ରେ ୯,୦୫,୧୦୫ ଟଙ୍କାର ନ୍ୟାଶନାଲ ସେଭିଂ ସାର୍ଟିଫିକେଟ ଜମା ରହିଛି। ଏଥିସହ ୧,୮୯,୩୦୫ ଟଙ୍କାର ଜୀବନ ବୀମା ପଲିସି କରିଛନ୍ତି।
