ବ୍ରହ୍ମପୁର ଅଫିସ,୨୧।୩: ଆସନ୍ତା ୨୪ରେ ପୌର ନିର୍ବାଚନ। ଏ ନେଇ ଜିଲା ପ୍ରଶାସନ ପକ୍ଷରୁ ଚୁଡାନ୍ତ ବୁଥ ତାଲିକା ଓ ପିଙ୍କ ବୁଥ ତାଲିକା ପ୍ରକାଶ ପାଇଛି। ବ୍ରହ୍ମପୁରରେ ସହରରେ ୨୫୦ବୁଥ ହୋଇଥିବା ବେଳେ ୯୬ ବୁଥ ସମ୍ବେଦନଶୀଳ ଓ ୫୯ଟି ଅତି ସମ୍ବେଦନଶୀଳ ବୁଥ ଭାବେ ଚିହ୍ନଟ କରାଯାଇଛି। ତେବେ ୫ଟିକୁ ପିଙ୍କ ବୁଥ ଭାବେ ପ୍ରସ୍ତୁତ କରାଯାଇଛି। ଭୋଟର ଯେଭଳି ସହଜରେ ମତଦାନ କେନ୍ଦ୍ରରେ ପହଞ୍ଚିବେ ସେ ନେଇ ଜିଲା ପ୍ରଶାସନ ଓ ବ୍ରହ୍ମପୁର ମହାନଗର ନିଗମ (ବିଏମ୍ସି) ପକ୍ଷରୁ ପଦକ୍ଷେପ ଗ୍ରହଣ କରାଯାଇଛି। ଜିଲା ପ୍ରଶାସନ ଓ ବିଏମସି ପକ୍ଷରୁ ସାଫା ନାମକ ଏକ ଆପକୁ ପ୍ରସ୍ତୁତ କରାଯାଇଛି। ଏହି ଆପ୍ ମାଧ୍ୟମରେ ମତଦାତାମାନେ ସେମାନଙ୍କ ବୁଥ ସମ୍ବନ୍ଧୀୟ ତଥ୍ୟ ଜାଣିବାରେ ସହାୟକ ହେବେ। ଏହି ଆପ୍ରେ ଭୋଟର ନିଜ ପରିଚୟ ପତ୍ର ନମ୍ବର କିମ୍ବା ଇପିଆଇସି ନମ୍ବର ଜରିଆରେ ନିଜର ବୁଥ ସମ୍ବନ୍ଧୀୟ ତଥ୍ୟ ସହଜରେ ଜାଣିପାରିବେ।
