ମୁମ୍ବାଇ,୪।୫: ଏନସିପି ଅଧ୍ୟକ୍ଷ ପଦରୁ ଶରଦ ପାଓ୍ବାର ଇସ୍ତଫା ଦେବା ପରେ ମହାରାଷ୍ଟ୍ର ରାଜନୀତିରେ କଳ୍ପନା ଜଳ୍ପନା ଲାଗି ରହିଛି। ଉଦ୍ଧବ ଗ୍ରୁପର ଶିବସେନା ତା’ର ମୁଖପତ୍ର ‘ସାମନା’ରେ କିଛି ଦାବି କରିଛି। ସାମନାର ସମ୍ପାଦକୀୟରେ ଲେଖାଯାଇଛି, କି ଶରଦ ପାଓ୍ବାର ତାଙ୍କ ରାଷ୍ଟ୍ରବାଦୀ କଂଗ୍ରେସ ପାର୍ଟି(ଏନସିପି)ରୁ ହଡବଡେଇ ଯାଇ ଇସ୍ତଫା ଦେଇଛନ୍ତି। ତାଙ୍କ ନିକଟତମ ଲୋକେ କହିଛନ୍ତି ସାହବ ତ ମେ’୧ ଅର୍ଥାତ୍ ମହାରାଷ୍ଟ୍ର ଦିବସରେ ରିଟାୟର ହେବାକୁ ଘୋଷଣା କରିଥିଲେ, ହେଲେ ମୁମ୍ବାଇରେ ମହାବିକାଶ ଅଘାଡିର ସଭା ହେବା କାରଣରୁ ସେ ମେ’୨ରେ ଇସ୍ତଫା ଘୋଷଣା କଲେ। ଆମେ ଏହି ରାୟରେ ସହମତ ନୁହେଁ।
ସାମନାରେ ଆହୁରି ମଧ୍ୟ ଲେଖାଯାଇଛି କି ଅଜିତ ପାଓ୍ବାରଙ୍କ ରାଜନୀତିର ଅନ୍ତିମ ଉଦ୍ଦେଶ୍ୟ ମହାରାଷ୍ଟ୍ରର ମୁଖ୍ୟମନ୍ତ୍ରୀ ହେବା। ସୁପ୍ରିୟା ସୁଲେ ଦିଲ୍ଲୀରେ ରହୁଛନ୍ତି। ସେଠାରେ ତାଙ୍କର ସ୍ଥିତି ଭଲ ରହିଛି। ପାର୍ଲାମେଣ୍ଟରେ ସେ ଭଲ କାମ କରୁଛନ୍ତି। ଭବିଷ୍ୟତରେ ଯଦି ଦଳର ନେତୃତ୍ୱ ମିଳିଲା ତେବେ ପିତାଙ୍କ ଭଳି ସମାନ ସ୍ଥାନରେ ପହଞ୍ଚିବାକୁ ସେ ଚେଷ୍ଟା କରିବା ଦରକାର। ଶରଦ ପାଓ୍ବାର ପାର୍ଟି ଅଧ୍ୟକ୍ଷ ପଦରୁ ଇସ୍ତଫା ଦେଇ ସମସ୍ତଙ୍କ ପୋଲ୍ ଖୋଲି ଦେଇଛନ୍ତି। ବାଦଲ ଓ ପବନକୁ ସ୍ବଚ୍ଛ କରି ଦେଇଛନ୍ତି। ଆଜି ଯେଉଁମାନେ ଗୋଡ ତଳେ ପଡୁଛନ୍ତି କାଲି ସେମାନେ ଗୋଡ ଟାଣିବେ ତେଣୁ ଏମାନଙ୍କ ମୂଳ ଉପାଠି ଦିଆଯାଇଛି।
