ମସ୍କୋ,୧୫।୪: ରୁଷିଆ ଏବଂ ୟୁକ୍ରେନ ମଧ୍ୟରେ ୫୧ ଦିନ ହେବ ଯୁଦ୍ଧ ଜାରି ରହିଛି। ସେପଟେ ରୁଷିଆ ପ୍ରତିରକ୍ଷା ମନ୍ତ୍ରୀ ସର୍ଗେ ଶୋଏଗୁ ହୃଦ୍ଘାତର ଶିକାର ହୋଇଛନ୍ତି। ଏହି କାରଣରୁ ତାଙ୍କୁ ଗତ କିଛି ଦିନ ହେବ ଦେଖିବାକୁ ମିଳିନାହିଁ । ୟୁକ୍ରେନରେ ହୋଇଥିବା କ୍ଷୟକ୍ଷତି ନେଇ ପୁଟିନ ଏବଂ ସର୍ଗେଙ୍କ ମଧ୍ୟରେ କିଛି ମତଭେଦ ହୋଇଥିଲା ବୋଲି ବିଶ୍ୱାସ କରାଯାଏ। ଏହା ପରେ ତାଙ୍କର ହୃଦଘାତ ହୋଇଥିଲା।
ସୂଚନାଯୋଗ୍ୟ, ଏହି ଯୁଦ୍ଧରେ ଏପର୍ଯ୍ୟନ୍ତ ପାଞ୍ଚ ଲକ୍ଷ ୟୁକ୍ରେନବାସୀ ଦେଶ ଛାଡିଛନ୍ତି। ଦେଶ ଛାଡୁଥିବା ଲୋକଙ୍କ ମଧ୍ୟରୁ ଅଧିକାଂଶ ହେଉଛନ୍ତି ମହିଳା ଏବଂ ଶିଶୁ ଥିବା ଜଣାପଡିଛି। ୟୁକ୍ରେନ ସଂସଦ ବିଦେଶୀମାନଙ୍କୁ ଯୁଦ୍ଧ ସମୟରେ ୟୁକ୍ରେନର ଗୁପ୍ତଚର ଏଜେନ୍ସିରେ କାମ କରିବାକୁ ଅନୁମତି ଦେଇଛି।
