ନ୍ୟୁୟର୍କ,୨୪ ।୨: ରୁଷିଆ ପକ୍ଷରୁ ୟୁକ୍ରେନ୍ ଉପରେ କରାଯାଇଥିବା ଆକ୍ରମଣ ମଧ୍ୟରେ ଭାରତୀୟ ସମୟ ଅନୁସାରେ ଗୁରୁବାର ବିଳମ୍ବିତ ରାତିରେ ମିଳିତ ଜାତିସଂଘର ସାଧାରଣ ସଭା(ୟୁଏନଜିଏ)ରେ ଏକ ପ୍ରସ୍ତାବ ପାରିତ ହୋଇଛି । ମିଳିତ ଜାତିସଂଘର ସାଧାରଣ ସଭା ୟୁକ୍ରେନରେ ଏକ ବ୍ୟାପକ, ନ୍ୟାୟ ସଙ୍ଗତ ଓ ସ୍ଥାୟୀ ଶାନ୍ତିରେ ପହଞ୍ଚିବାର ଆବଶ୍ୟକତା ଉପରେ ଏକ ପ୍ରସ୍ତାବ ପାରିତ ହୋଇଛି ।
୧୪୧ ସଦସ୍ୟ ପ୍ରସ୍ତାବ ସପକ୍ଷରେ ମତ ଦେଇଥିବା ବେଳେ ୭ ଏହାକୁ ବିରୋଧ କରିଛନ୍ତି । ଅନ୍ୟପଟେ ଚାଇନା ଓ ଭାରତ ସମେତ ୩୨ ସଦସ୍ୟ ମତଦାନ ସମୟରେ ଅନୁପସ୍ଥିତ ରହିଥିଲେ । ୟୁଏନଜିଏ ଏକ ଅଣ-ବାଧ୍ୟତାମୂଳକ ପ୍ରସ୍ତାବ ପାରିତ କରିଛି । ଏହି ପ୍ରସ୍ତାବରେ ରୁଷିଆ ସହ ଶତ୍ରୁତାକୁ ବନ୍ଦ କରିବାକୁ ଏବଂ ୟୁକ୍ରେନରୁ ସେନା ପ୍ରତ୍ୟାହାର କରିବାକୁ କୁହାଯାଇଛି ।
