ମସ୍କୋ/କ୍ୱିଭ/ୱାଶିଂଟନ,୨୫ ।୨: ରୁଷିଆ-ୟୁକ୍ରେନ ଯୁଦ୍ଧ ବିଭିଷିକା ବେଳକୁ ବେଳ ଭୟଙ୍କର ହେବାରେ ଲାଗିଛି । ରୁଷିଆ ସେନା ଦ୍ୱାରା ୟୁକ୍ରେନର ବହୁ ଅଞ୍ଚଳ କବଜା କରାଯିବା ସହ ଅନେକ ଲୋକଙ୍କ ଜୀବନ ଗଲାଣି । ୟୁକ୍ରେନ ରାଷ୍ଟ୍ରପତି କହିଛନ୍ତି ରୁଷିଆର ଆକ୍ରମଣ ଫଳରେ ଏବେ ପର୍ଯ୍ୟନ୍ତ ୧୩୭ ଜଣଙ୍କ ମୃତ୍ୟୁ ହେଲାଣି । ଏମାନଙ୍କ ମଧ୍ୟରେ ୧୧ ସେନା ଅଧିକାରୀ ବି ସାମିଲ ଅଛନ୍ତି । ଏହି ଆକ୍ରମଣରେ ଏବେ ପର୍ଯ୍ୟନ୍ତ ୩୧୬ ଆହତ ହୋଇଥିବା ସୂଚନା ରହିଛି । ଇତିମଧ୍ୟରେ ଆମେରିକା ସୁରକ୍ଷା ଅଧିକାରୀ ଆଶଙ୍କା କରିଛନ୍ତି କି ଆସନ୍ତା ୯୬ ଘଣ୍ଟା ମଧ୍ୟରେ ରୁଷିଆ ୟୁକ୍ରେନର ରାଜଧାନୀ କ୍ୱିଭକୁ ନିଜ କବଜାକୁ ନେଇଯାଇପାରେ । ଏହାସହ ଆସନ୍ତା ୧ ସପ୍ତାହ ମଧ୍ୟରେ ୟୁକ୍ରେନ ସରକାର ଭାଙ୍ଗିଯାଇପାରେ ।
ସୂଚନାଯୋଗ୍ୟ, ଆକ୍ରମଣର ଦ୍ୱିତୀୟ ଦିନରେ ସକାଳୁ ସକାଳୁ ରୁଷିଆ ପକ୍ଷରୁ ୟୁକ୍ରେନର ରାଜଧାନୀ କ୍ୱିଭରେ ବଡ ଧରଣର ବିସ୍ଫୋରଣ କରାଯାଇଛି ।
