ନୂଆଦିଲ୍ଲୀ,୫ା୨: ଡୋପ୍ ଟେଷ୍ଟକୁ ଏଡାଇ ଭାରତର ଲଙ୍ଗ ଡିଷ୍ଟାନ୍ସ ଧାବିକା ପୂଜା ଆତ୍ମାରାମ ଆଥଲେଟିକ୍ସ ଇଣ୍ଡିଗ୍ରିଟି ୟୁନିଟ୍ (ଏଆଇୟୁ) ଦ୍ୱାରା ସାମୟିକ ସସ୍ପେଣ୍ଡ ହୋଇଛନ୍ତି।
ପୂଜା ୫୦୦୦ ମିଟର ଓ ୧୦,୦୦୦ ମିଟର ଇଭେଣ୍ଟରେ ଅଂଶଗ୍ରହଣ କରିଥାନ୍ତି। ୨୦୨୪ ଇଣ୍ଡିଆନ ଗ୍ରାଁ ପ୍ରି-୨ରେ ସେ ରାଜସ୍ଥାନ ତରଫରୁ ପ୍ରତିନିଧିତ୍ୱ କରି ୫,୦୦୦ ମିଟର ଓ ୧୦,୦୦୦ ମିଟର ଇଭେଣ୍ଟରେ ଅଂଶଗ୍ରହଣ କରି ୩ୟ ସ୍ଥାନ ଅଧିକାର କରିଥିଲେ। ଏପର୍ଯ୍ୟନ୍ତ ଏହା ଥିଲା ତାଙ୍କର ଶ୍ରେଷ୍ଠ ପ୍ରଦର୍ଶନ।
ଗତବର୍ଷ ଏହି ୩୦ ବର୍ଷୀୟା ଲକ୍ଷ୍ନୌଠାରେ ଅନୁଷ୍ଠିତ ଜାତୀୟ କ୍ରସ୍ କଣ୍ଟ୍ରି ଚାମ୍ପିୟନଶିପ୍ରେ ସେ ୨୫ତମ ସ୍ଥାନ ଅଧିକାର କରିଥିଲେ। ଜଣେ ଖେଳାଳି ଡୋପ୍ ଟେଷ୍ଟକୁ କିମ୍ବା ସାମ୍ପଲ ସଂଗ୍ରହ କରିବା ଲାଗି ମନାକରିବା ଅଭିଯୋଗରେ ପୂଜା ଆତ୍ମାରାମଙ୍କୁ ସସ୍ପେଣ୍ଡ କରାଯାଇଥିବା ଏଆଇୟୁ ପକ୍ଷରୁ ଏକ ବିବୃତ୍ତିରେ କୁହାଯାଇଛି। ପୂଜାଙ୍କୁ ଓ୍ବାଲର୍ଡ ଆଣ୍ଟି ଡୋପିଙ୍ଗ ଏଜେନ୍ସି (ଓ୍ବାଡା)ର ଧାରା ୨.୩ ଅନୁସାରେ ସସ୍ପେଣ୍ଡ କରାଯାଇଛି।
