କ୍ୟୁବାରେ ଏକ ଏମିତି ଜେଲ ରହିଛି । ଯାହାର ଖର୍ଚ୍ଚ ଆଉ ବ୍ୟବସ୍ଥା ବିଷୟରେ ଜାଣିଲେ ଆପଣ ବି ଆଶ୍ଚର୍ଯ୍ୟ ହୋଇଯିବେ । ଆପଣଙ୍କ ମନ ବି ଆପଣଙ୍କୁ ପ୍ରଶ୍ନ ପଚାରିବ ସତରେ କଣ ଜେଲ ଭିତରେ ରହିଛି ଏମିତି ଅତ୍ୟାଧୁନିକ ସୁବିଧା । କ୍ୟୁବାର ଗ୍ୱାନାଟାନାମୋ ବେ କୂଳରେ ଅବସ୍ଥିତ ଗ୍ୱାନାଟାନାମୋ ବେ ଜେଲ । ଯେଉଁ ଜେଲରେ ଗୋଟିଏ କଏଦୀ ପାଇଁ ବର୍ଷକୁ ଖର୍ଚ୍ଚ ହୋଇଥାଏ ପାଖାପଖି ୯୩ କୋଟିରୁ ଅଧିକ ଟଙ୍କା । ଏହି ଜେଲରେ ପାଖାପାଖି ୪୦ ଜଣ କଏଦୀ ବନ୍ଦୀ ଭାବରେ ରହିଛନ୍ତି । ଆଉ ଏହି ୪୦ ଜଣ କଏଦୀଙ୍କୁ ଜଗିବା ପାଇଁ ଏଠାରେ ନିୟୋଜିତ ହୋଇଛନ୍ତି ୧୮୦୦ ସୁରକ୍ଷା କର୍ମୀ । ଅର୍ଥାତ ମାତ୍ର ଜଣେ କଏଦୀକୁ ଜଗିବା ପାଇଁ ୪୫ ଜଣ ସୈନିକ ପ୍ରହରା ଦେଉଛନ୍ତି । ସବୁଠାରୁ ବଡ କଥା ହେଉଛି ଏହି ସୈନିକଙ୍କ ପାଇଁ ବର୍ଷକୁ ଖର୍ଚ୍ଚ ହୋଇଥାଏ ୩ ହଜାର ୯୦୦ କୋଟି ଟଙ୍କା ।
