ନୂଆଦିଲ୍ଲୀ,୨୯।୮: ସମାଜବାଦୀ ପାର୍ଟି ନେତା ସ୍ବାମୀ ପ୍ରସାଦ ମୌର୍ଯ୍ୟ କ୍ରମାଗତ ଭାବରେ ହିନ୍ଦୁ ଧର୍ମ, ରାମଚରିତମାନସ ଏବଂ ବ୍ରାହ୍ମଣମାନଙ୍କ ଉପରେ ବିବାଦୀୟ ବକ୍ତବ୍ୟ ପ୍ରଦାନ କରୁଛନ୍ତି। ଏହି ପ୍ରସଙ୍ଗରେ ମୋରାଦାବାଦ କଂଗ୍ରେସ ନେତା ଗଙ୍ଗା ରାମ ଶର୍ମା ଏକ ବଡ଼ ଘୋଷଣା କରିଛନ୍ତି। ସ୍ବାମୀ ପ୍ରସାଦ ମୌର୍ଯ୍ୟଙ୍କ ଜିଭ କାଟିଲେ ୧୦ ଲକ୍ଷ ଟଙ୍କା ପୁରସ୍କାର ଦିଆଯିବ ବୋଲି ସେ କହିଛନ୍ତି। ନିକଟରେ ସ୍ବାମୀ ପ୍ରସାଦ ମୌର୍ଯ୍ୟ ହିନ୍ଦୁ ଧର୍ମ ଉପରେ ବିବାଦୀୟ ମନ୍ତବ୍ୟ ଦେଇଥିଲେ। ରାମଚରିତମାନସରେ ଦଳିତ ଏବଂ ମହିଳାଙ୍କ ବିଷୟରେ କୁହାଯାଇଛି। ତୁଲସୀଦାସ ନିଜ ଇଚ୍ଛା ଏବଂ ଖୁସି ପାଇଁ ଏହି ପୁସ୍ତକ ଲେଖିଛନ୍ତି ବୋଲି ସେ କହିଥିଲେ। କେବଳ ଏତିକି ନୁହେଁ ସ୍ବାମୀ ପ୍ରସାଦ ମୌର୍ଯ୍ୟ ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ରେ ଲେଖିଛନ୍ତି ଯେ, ବ୍ରାହ୍ମଣବାଦର ଚେର ଗଭୀର ଏବଂ ଏହା ମଧ୍ୟ ସମସ୍ତ ପ୍ରକାର ଅସମାନତାର କାରଣ।
ଏହି ବିବୃତ୍ତି ପରେ କଂଗ୍ରେସ ନେତା ପଣ୍ଡିତ ଗଙ୍ଗା ରାମ ଶର୍ମା ଏକ ଚିଠି ଜାରି କରିଛନ୍ତି, ଏହି ପତ୍ରରେ ସେ ସ୍ବାମୀ ପ୍ରସାଦ ମୌର୍ଯ୍ୟଙ୍କ ଜିଭ କାଟିଲେ ୧୦ ଲକ୍ଷ ଟଙ୍କା ପୁରସ୍କାର ମିଳିବ ବୋଲି ଘୋଷଣା କରିଛନ୍ତି। ଆବଶ୍ୟକ ହେଲେ ସେ ନିଜ ଧର୍ମ ପାଇଁ ମଧ୍ୟ ନିଜ ଜୀବନକୁ ଉତ୍ସର୍ଗ କରିବେ। ସ୍ବାମୀ ପ୍ରସାଦ ହିନ୍ଦୁ ଧର୍ମକୁ ଅପମାନିତ କରିବା ସହ ଧାର୍ମିକ ପୁସ୍ତକ ରାମଚରିତମାନସକୁ ନିନ୍ଦା କରିଥିବା ଗଙ୍ଗା ରାମ ଅଭିଯୋଗ କରିଛନ୍ତି।
