ପର୍ଥ,୨୫।୧୧: ବର୍ଡର-ଗାଭାସ୍କର ଟ୍ରଫିର ପ୍ରଥମ ମ୍ୟାଚ ପର୍ଥରେ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଖେଳାଯାଇଥିଲା। ଏହି ମ୍ୟାଚ୍ରେ ଭାରତ ଚମତ୍କାର ବିଜୟ ହାସଲ କରିଛି। ରୋହିତ ଶର୍ମାଙ୍କ ଅନୁପସ୍ଥିତିରେ ଏହି ମ୍ୟାଚରେ ଜସପ୍ରୀତ ବୁମ୍ରା ଟିମ ଇଣ୍ଡିଆର ଅଧିନାୟିକତ୍ୱ ହୋଇଥିଲେ। ବର୍ତ୍ତମାନ ସିରିଜର ଅବଶିଷ୍ଟ ୪ଟି ଟେଷ୍ଟ ପାଇଁ ଭାରତୀୟ ଅଧିନାୟକ ଅଷ୍ଟ୍ରେଲିଆରେ ପହଞ୍ଚିଛନ୍ତି, ରୋହିତ ମଧ୍ୟ ଅଭ୍ୟାସ ଆରମ୍ଭ କରିଛନ୍ତି।
ଟିମ ଇଣ୍ଡିଆ ପର୍ଥ ଟେଷ୍ଟ ଖେଳିଥିବାବେଳେ ହିଟ୍ମ୍ୟାନ୍ ଆଡିଲେଡରେ ଖେଳାଯିବାକୁ ଥିବା ଦ୍ୱିତୀୟ ଟେଷ୍ଟ ପାଇଁ ଅଭ୍ୟାସ ଆରମ୍ଭ କରିଥିଲେ। ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଦ୍ୱିତୀୟ ଟେଷ୍ଟ ଡିସେମ୍ବର ୬ରୁ ଆଡିଲେଡରେ ଖେଳାଯିବ। ଏଥିପାଇଁ ବହୁତ ସମୟ ବାକି ଅଛି, ତଥାପି ରୋହିତ ବିଶ୍ରାମ ନେବା ପରିବର୍ତ୍ତେ ନେଟ୍ସରେ ଅଭ୍ୟାସ କରିବାକୁ ନିଷ୍ପତ୍ତି ନେଇଛନ୍ତି।
ରୋହିତଙ୍କ ଅଭ୍ୟାସର ଭିଡିଓ ବିସିସିଆଇ ସୋସିଆଲ ମିଡିଆ ମାଧ୍ୟମରେ ଶେୟାର କରିଛି। ଏହି ସମୟ ମଧ୍ୟରେ ପର୍ଥ ମ୍ୟାଚ କଭର୍ କରୁଥିବା ଡେଭିଡ ୱାର୍ଣ୍ଣର ମଧ୍ୟ ରୋହିତ ଶର୍ମାଙ୍କୁ ଭେଟିଥିଲେ। ରୋହିତ ବହୁତ ଭଲ ରୂପରେ ନଜର ଆସିଥିଲେ।
ରୋହିତ ଶର୍ମା ବ୍ୟକ୍ତିଗତ କାରଣ ଦର୍ଶାଇ ସିରିଜର ପ୍ରଥମ ଟେଷ୍ଟ ଖେଳି ନ ଥିଲେ। ରୋହିତ ଦ୍ୱିତୀୟ ଥର ପାଇଁ ପିତା ହୋଇଥିଲେ। ଏଥିପାଇଁ ସେ ପର୍ଥ ଟେଷ୍ଟରେ ଭାଗ ନେଇପାରି ନ ଥିଲେ। ବର୍ତ୍ତମାନ ରୋହିତଙ୍କୁ ଦ୍ୱିତୀୟ ଟେଷ୍ଟରେ ଦେଖିବାକୁ ମିଳିବ, ଯାହା ପରେ ଟିମ ଇଣ୍ଡିଆର ଖେଳୁଥିବା ଏକାଦଶରେ କ’ଣ ପରିବର୍ତ୍ତନ ଘଟିବ, ତାହା ଦେଖିବାକୁ ଆକର୍ଷଣୀୟ ହେବ।
ପର୍ଥରେ ଖେଳାଯାଇଥିବା ପ୍ରଥମ ଟେଷ୍ଟରେ ଟିମ ଇଣ୍ଡିଆ ଅଷ୍ଟ୍ରେଲିଆକୁ ୨୯୫ ରନ୍ରେ ପରାସ୍ତ କରିଛି। କ୍ୟାପଟେନ ଜସପ୍ରୀତ ବୁମ୍ରା ଏହି ମ୍ୟାଚରେ ଭାରତ ପାଇଁ ୮ ଉଇକେଟ ନେଇଥିଲେ। ଏହି ଚମତ୍କାର ପ୍ରଦର୍ଶନ ପାଇଁ ବୁମରାଙ୍କୁ ‘ପ୍ଲେୟାର ଅଫ ଦି ମ୍ୟାଚ’ ଘୋଷିତ କରାଯାଇଥିଲା।
