ବମ୍ବେ: ନିର୍ଦ୍ଦେଶକ କରନ ଜୋହରଙ୍କ ଫିଲ୍ମ ‘ରକି ଔର ରାନି କି ପ୍ରେମ କାହାନୀ’ ଥିଏଟରରେ ଦର୍ଶକଙ୍କ ଭରପୂର ମନୋରଞ୍ଜନ କରୁଛି। ଏହାର ପ୍ରଭାବ ସିଧା ବ୍ୟବସାୟରେ ପଡ଼ୁଛି। ରିଲିଜ ପ୍ରଥମ ସପ୍ତାହରେ ଫିଲ୍ମଟି ଭଲ ରୋଜଗାର କରିଥିବା ବେଳେ ଦ୍ୱିତୀୟ ସପ୍ତାହରେ ଭଲ କଲେକ୍ସନ ସହ ବକ୍ସ ଅଫିସରେ ସେଞ୍ଚୁରୀ ମାରିଛି। ଫଳସ୍ବରୂପ ୧୦ ଦିନରେ ଫିଲ୍ମ ପ୍ରାୟ ୧୦୫ କୋଟି ଟଙ୍କା ରୋଜଗାର କରିଥିବା ଆକଳନ କରାଯାଇଛି। ନିର୍ଦ୍ଦେଶକ ଭାବେ କରନ୍ ମଧ୍ୟ ପ୍ରାୟ ୧୮୦ କୋଟି ଟଙ୍କାର ଗ୍ରସ୍ କଲେକ୍ସନ କରିସାରିଛନ୍ତି।
ରଣବୀର ସିଂହ ଏବଂ ଆଲିଆ ଭଟ୍ଟଙ୍କ ନିଖୁଣ ଅଭିନୟ ଯୋଗୁ ଫିଲ୍ମଟି ଉଭୟଙ୍କ ଶ୍ରେଷ୍ଠ ଫିଲ୍ମ ତାଲିକାରେ ସାମିଲ ହୋଇଛି। ଆସନ୍ତା ଶୁକ୍ରବାର ସନି ଦେଓଲଙ୍କ ‘ଗଦର ୨’ ଏବଂ ଅକ୍ଷୟ କୁମାରଙ୍କ ‘ଓଏମ୍ଜି ୨’ ରିଲିଜ ହେଉଛି। ଏଣୁ ତା ପୂର୍ବରୁ ଫିଲ୍ମ ପାଖରେ ଭଲ ରୋଜଗାର କରିବାର ସୁଯୋଗ ରହିଛି।
