ଦାରିଙ୍ଗବାଡି,୨।୮(ଅରୁଣ ସାହୁ): କନ୍ଧମାଳ ଜିଲା ଦାରିଙ୍ଗବାଡି ଥାନା ଦାରିଙ୍ଗବାଡି ବଜାରର ଲୁଗା ବ୍ୟବସାୟୀ ଅଶୋକ କୁମାର ସାହୁଙ୍କ ଘରୁ ଲକ୍ଷାଧିକ ଟଙ୍କାର ସୁନା ଗହଣା ଲୁଟ୍ ଚର୍ଚ୍ଚାର ବିଷୟ ପାଲଟିଛି ।ଏହି ଘଟଣାକୁ ନେଇ ଦାରିଙ୍ଗବାଡି ପୋଲିସ ପକ୍ଷରୁ ତଦନ୍ତ ତ୍ବରାନ୍ୱିତ କରିଛି ।
ଲୁଟ ଘଟଣା ଖବର ପାଇବା ପରେ ଆଇଆଇସି ସଂଗ୍ରାମ କେଶରୀ ଜେନା ଘଟଣାକୁ ଗୁରୁତ୍ବର ସହ ନେଇ ତଦନ୍ତ ଜୋରଦାର କରିଛନ୍ତି ।ଅପରାହ୍ନରେ ସନ୍ଧାନୀ କୁକୁର ପହଞ୍ଚି ଘଟଣା ସ୍ଥଳରୁ ସନ୍ଧାନ ଆରମ୍ଭ କରି ପ୍ରାୟ ବହୁ ସମୟ ଧରି ସନ୍ଧାନ କରି ନିର୍ଦ୍ଧିଷ୍ଟ କିଛି ସ୍ଥାନରେ ଅଟକି ରହିଥିଲା । ଯେଉଁ ସବୁ ସ୍ଥାନରେ ସନ୍ଧାନୀ କୁକୁର ଅଟକିଥିଲା ତାଙ୍କୁ ପୋଲିସ ପକ୍ଷରୁ ପଚରାଉଚରା କରାଯିବ ବୋଲି ଆଇଆଇସି ଜେନା କହିଛନ୍ତି ।
ସୂଚନା ଯୋଗ୍ୟ ଯେ, ବ୍ୟବସାୟୀଙ୍କ ପ୍ରାୟ ୨୦ ଭରି ସୁନା ଗହଣା ସହ ୫ ଶହ ଗ୍ରାମ ରୁପା, ନଗଦ ଟଙ୍କା ଆଦି ଲୁଟ ହୋଇଛି । ମିଳିଥିବା ତଥ୍ୟ ପ୍ରକାରେ ଶୁକ୍ରବାର ସଂନ୍ଧ୍ୟାରେ ବ୍ୟବସାୟୀ ଜଣଙ୍କ ପରିବାର ସହ ଘର ତାଲା ପକାଇ କୌଣସି କାର୍ଯ୍ୟରେ ବ୍ରହ୍ମପୁର ଯାଇଥିଲେ । ରବିବାର ସକାଳ ୧୦ ଟା ରେ ସେ ବ୍ରହ୍ମପୁରରୁ ଫେରିଲା ପରେ ଘରର ମୁଖ୍ୟ ଫାଟକର ତାଲା ଖୋଲିଥିଲେ ଓ ଘର ଭିତରକୁ ଯିବା ବେଳେ ଘରର ୨ ଟି ଫାଟକର ତାଲା ଓ ଗେଡା କଟାଯାଇଥିବା ଦେଖିଥିଲେ । ପରେ ଘରେ ପଶି ଦେଖିଲେ ତାଙ୍କ ବେଡରୁମରେ ରହିଥିବା ଆଲିମିରା ଭାଙ୍ଗି ତା ଭିତରେ ରହିଥିବା ସୁନା ଅଳଙ୍କାର ଲୁଟି ନେଇଥିଲେ ।
