ଭୁବନେଶ୍ୱର,୨୬।୮: ଓଡ଼ିଶା ସରକାର ବିପର୍ଯ୍ୟୟ-ପ୍ରତିରୋଧୀ ରାସ୍ତା ନିର୍ମାଣ ପାଇଁ “‘ମୁଖ୍ୟମନ୍ତ୍ରୀ ସଡ଼କ ଯୋଜନା–ବିପର୍ଯ୍ୟୟ ପ୍ରତିରୋଧକ ରାସ୍ତା’” ଘୋଷଣା କରିଛନ୍ତି। ଗ୍ରାମ୍ୟ ଉନ୍ନୟନ ବିଭାଗ ପକ୍ଷରୁ ଜାରି ରିଜୋଲ୍ୟୁସନ ଅନୁଯାୟୀ, ୨୦୨୫-୨୬ରୁ ୨୦୨୯-୩୦ ମଧ୍ୟରେ ୫ ବର୍ଷରେ ୫୦୦ କିଲୋମିଟର ଗ୍ରାମୀଣ ରାସ୍ତା ନିର୍ମାଣ କରାଯିବ, ଯାହାର ଖର୍ଚ୍ଚ ଅଟକଳ ୧୦୦୦ କୋଟି ଟଙ୍କା।
ଏହି ଯୋଜନା ରାଜ୍ୟ ବଜେଟରୁ ସମ୍ପୂର୍ଣ୍ଣ ଅର୍ଥପ୍ରଦାନ କରାଯିବ। ଏହା ବନ୍ୟା ଓ ବାତ୍ୟା ପରି ବିପର୍ଯ୍ୟୟରେ ରାସ୍ତା ନଷ୍ଟ ହେବାକୁ ରୋକିବ ଏବଂ ସର୍ବଦା ଯୋଗାଯୋଗ ସୁନିଶ୍ଚିତ କରିବ। ଏହି ପ୍ରକଳ୍ପ ବିପର୍ଯ୍ୟୟ ପ୍ରଭାବିତ ଅଞ୍ଚଳରେ ଆବଶ୍ୟକୀୟ ସେବା ଓ ସମ୍ପ୍ରଦାୟକୁ ସହାୟତା ପ୍ରଦାନ କରିବ।
