ଦାରିଙ୍ଗବାଡି, ୩।୧୨(ଅରୁଣ ସାହୁ): ଅନେକ ସମୟରେ ନିଶାସକ୍ତ ଅବସ୍ଥାରେ ଗାଡି ଚଲାଇବା କିମ୍ବା ଅନାବଶ୍ୟକ ଦ୍ରୁତ ଗତି ଗାଡି ଚଲାଇବା ଯୋଗୁ ଅକାଳରେ ଦୁର୍ଘଟଣା ଜନିତ ମୃତ୍ୟୁ ଘଟୁଛି। ଏହାକୁ ରୋକିବା ପାଇଁ ସରକାର ଅନେକ ଯୋଜନା ପ୍ରସ୍ତୁତ କରୁଥିଲେ ମଧ୍ୟ ଦୁର୍ଘଟଣା ଦିନକୁ ଦିନ ବୃଦ୍ଧି ଚିନ୍ତାର କାରଣ ପାଲଟିଛି। ଅନେକ ପରିବାର ଏହି ଦୁର୍ଘଟଣା ମୃତ୍ୟୁ ଯୋଗୁ ବେସାହାରା ହୋଇପଡ଼ିଛି। ବିଶେଷ କରି ଯୁବପିଢ଼ିଙ୍କ ସଂଖ୍ୟା ମଧ୍ୟ ଦୁର୍ଘଟଣାଜନିତ ମୃତ୍ୟୁ ବଢୁଛି। ଏହାକୁ ରୋକିବା ପାଇଁ ବ୍ୟାପକ ଜନସଚେତନର ଆବଶ୍ୟକତା ପଡୁଛି।
ଏହି କ୍ରମରେ ବୁଧବାର ଦାରିଙ୍ଗବାଡି ସରକାରୀ ଆଇଟିଆଇ ପକ୍ଷରୁ ବ୍ୟାପକ ସଚେତନ କାର୍ଯ୍ୟକ୍ରମ କରାଯାଇଛି। ଆଇଟିଆଇର ଅଧ୍ୟକ୍ଷ ଅଶୋକ ପ୍ରଧାନଙ୍କ ନେତୃତ୍ୱରେ ଶତାଧିକ ଛାତ୍ରୀଛାତ୍ର ହାତରେ ପ୍ଲାକାର୍ଡ ଧରି ଆଇଟିଆଇରୁ ବିରାଟ ଶୋଭାଯାତ୍ରାରେ ବାହାରି ବସ ଷ୍ଟାଣ୍ଡ, ଚାରିଛକ, ତିନି ଛକ, ଶିବମନ୍ଦିର ଛକ ସମେତ ବିଭିନ୍ନ ଜନଗହଳିପୂର୍ଣ୍ଣ ସ୍ଥାନରେ ଲୋକଙ୍କୁ ଶୂନ ଦୁର୍ଘଟଣା ସମ୍ପର୍କରେ ଅବଗତ କରାଇଥିଲେ। ଏହି ସଚେତନ ସମୟରେ ଟ୍ରେନିଂ ଅଫିସର ଲିଙ୍ଗରାଜ ସାହୁଙ୍କ ସମେତ ଅନ୍ୟ ଅଧିକାରୀ, ଶିକ୍ଷୟିତ୍ରୀଶିକ୍ଷକ, ପୋଲିସ ସୁରକ୍ଷା କର୍ମୀ ଯୋଗଦେଇଥିଲେ। ଅନ୍ୟ କର୍ମକର୍ତ୍ତା ତଥା ଅନିଲ କୁମାର ବେହେରା, ଭୂପେନ୍ଦ୍ର ପୁରାସେଠ, ଅନୁଭୂତି ବାଲା, ସରୋଜିନୀ ଦାସ, ବିକାଶ ରଞ୍ଜନ, ପ୍ରତାପ ସିଂହ ଯୋଗଦେଇଥିଲେ।
Dharitri – Odisha’s No.1 Odia Daily
