ନୂଆଦିଲ୍ଲୀ,୯।୪: ଧନଶ୍ରୀ ବର୍ମାଙ୍କ ଠାରୁ ଛାଡପତ୍ର ପରେ, ୟୁଜବେନ୍ଦ୍ର ସିଂହ ଚହଲ ଆରଜେ ମହଭାଶଙ୍କୁ ଡେଟ କରୁଥିବା ଗୁଜବ ଚାଲିଛି। ଗତକାଲି, ମହଭାଶ ଚେନ୍ନାଇ ସୁପର କିଙ୍ଗ୍ସ ବିପକ୍ଷରେ ଚହଲଙ୍କ ଦଳ ପଞ୍ଜାବ କିଙ୍ଗ୍ସକୁ ଉତ୍ସାହିତ କରୁଥିବାର ଦେଖାଯାଇଥିଲା। ସେ ଷ୍ଟାଡିୟମର ଫଟୋ ମଧ୍ୟ ଶେୟାର କରିଛନ୍ତି ଏବଂ ଚହଲଙ୍କ ପାଇଁ ଏକ ସ୍ବତନ୍ତ୍ର ପୋଷ୍ଟରେ ତାଙ୍କ ହୃଦୟର କଥା ଲେଖିଛନ୍ତି।
ସୂଚନାଯୋଗ୍ୟ, ମଙ୍ଗଳବାର ଚେନ୍ନାଇ ସୁପର କିଙ୍ଗ୍ସ ଏବଂ ପଞ୍ଜାବ କିଙ୍ଗ୍ସ ମଧ୍ୟରେ ଏକ ମ୍ୟାଚ ଥିଲା। ମୁଲ୍ଲାପୁରର ନ୍ୟୁ ପିସିଏ କ୍ରିକେଟ ଷ୍ଟାଡିୟମରେ ଖେଳାଯାଇଥିବା ମ୍ୟାଚରେ ଚହଲଙ୍କ ଦଳ ପଞ୍ଜାବ କିଙ୍ଗସ ୧୮ ରନରେ ଚେନ୍ନାଇ ସୁପର କିଙ୍ଗସକୁୁ ପରାସ୍ତ କରିଛି। ମ୍ୟାଚ ସମୟରେ, ମହଭାଶ ମଧ୍ୟ ଷ୍ଟାଡିୟମରେ ବହୁତ ଉତ୍ସାହିତ ଦେଖାଯାଉଥିଲେ। ସେ ଚହଲଙ୍କ ଦଳକୁ ଉତ୍ସାହିତ କରୁଥିବାର ଦେଖାଯାଇଥିଲା। ଯାହା ପରେ ସେମାନଙ୍କ ପ୍ରେମ ସମ୍ପର୍କର ଖବର ଜୋର ଧରିଛି।
ଷ୍ଟାଡିୟମରୁ ଚିୟରିଂ କରୁଥିବାର ଫଟୋ ଶେୟାର କରି ଆରଜେ ମହଭାଶ କ୍ୟାପସନରେ ଲେଖିଛନ୍ତି, ‘କେହି ଜଣେ ଯିଏ ଆପଣଙ୍କ ଲୋକଙ୍କୁ ପ୍ରତ୍ୟେକ ଭଲ ଏବଂ ଖରାପ ସମୟରେ ସମର୍ଥନ କରିବ ଏବଂ ପଥର ପରି ସେମାନଙ୍କ ପଛରେ ଛିଡା ହେବ! ଆମେ ସମସ୍ତେ ଆପଣଙ୍କ ପାଇଁ ଏଠାରେ ଅଛୁ।’ ଆରଜେ ମହଭାଶ ତାଙ୍କ ଇନଷ୍ଟା ଷ୍ଟୋରୀରେ ଏକ ସ୍କ୍ରିନସଟ ମଧ୍ୟ ଶେୟାର କରିଛନ୍ତି ଯେଉଁଥିରେ ସେ ଲେଖିଛନ୍ତି ଯେ ଏହି ବର୍ଷ ଆମେ ପଞ୍ଜାବ କିଙ୍ଗସକୁ ସମର୍ଥନ କରୁଛୁ କାରଣ ଆମେ ବନ୍ଧୁତା ବଜାୟ ରଖୁଛୁ, ଏହା ସହିତ ସେ ବ୍ୟାକଗ୍ରାଉଣ୍ଡରେ ଏକ ଗୀତ ବଜାଇଛନ୍ତି, ତୁ ମେରେ ହୁକମ କା ଇକ୍କା, ତୁ ହି ମେରି କ୍ରିକେଟ କା ଛକା।
ମହଭାଶ ଚହଲଙ୍କ ସହ ଏକ ସେଲଫି ମଧ୍ୟ ଶେୟାର କରିଛନ୍ତି। ଯେଉଁଥିରେ ଦୁହେଁ ବହୁତ ଖୁସି ଦେଖାଯାଉଛନ୍ତି। ଏହାକୁ ଦେଖି, ସେମାନଙ୍କ ସମ୍ପର୍କ ବିଷୟରେ ଗୁଜବ ବଢିବାରେ ଲାଗିଛି।
ଏହାକୁ ଦେଖି ଫ୍ୟାନ୍ସମାନେ ମଧ୍ୟ ଆରଜେ ମହଭାଶଙ୍କ ଏହି ପୋଷ୍ଟରେ ବହୁତ କମେଣ୍ଟ କରୁଛନ୍ତି। ଜଣେ ଲେଖିଛନ୍ତି, ‘ଭାବି ୨ ମିଳିଗଲା।’ ଆଉ ଜଣେ ଲେଖିଛନ୍ତି, ‘ଭାଭି ୨।’ ଅନ୍ୟ ଜଣେ ଲେଖିଛନ୍ତି, ‘ଏହା ଏବେ ନିଶ୍ଚିତ ହୋଇଗଲା।’
