ମୁମ୍ବାଇ: ବଲିଉଡ୍ରେ ଏବେ ଡ୍ରଗ୍ସ ମାମଲାକୁ ନେଇ ଲାଗି ରହିଛି ଆଲୋଚନା ସମାଲୋଚନା । ବଡବଡ କଳାକାର, ନିର୍ଦ୍ଦେଶକ, ପ୍ରଯୋଜକ ଆଦି ମଧ୍ୟ ଏହି ମାମଲା ଭିତରକୁ ଚାଲି ଆସୁଥିବା ଦେଖାଯାଇଛି । ନିକଟରେ ଅଭିନେତ୍ରୀ ରିଆ ଚକ୍ରବର୍ତ୍ତି ଏହି ମାମଲରେ କିଛିଦିନ ଜେଲ ଜୀବନ କାଟି ଘରକୁ ଫେରିଛନ୍ତି । ଏବେ ଅଭିନେତ୍ରୀଙ୍କ ସପକ୍ଷରେ କେହି କେହି କଳାକାର ମୁହଁ ଖୋଲୁଥିବା ବେଳେ ବଲିଉଡ୍ ନାୟକ ରିତେଶ ଦେଶମୁଖ ମଧ୍ୟ ରିଆଙ୍କ ସପକ୍ଷରେ ଟୁଇଟ୍ କରି ଆସିଛନ୍ତି ଚର୍ଚ୍ଚାକୁ । ରିତେଶ ଲେଖିଛନ୍ତି, ‘ସତ’ର ବସବୁବେଳେ ବିଜ ହୋଇଥାଏ ରିଆ, ଏହାହିଁ ତୁମକୁ ।କ୍ତି ଯୋଗାଇବ । କାରଣ ସତଠାରୁ କୌଣସି କଥା ଶକ୍ତିଶାଳୀ ନୁହେଁ । ସୂଚନାଯୋଗ୍ୟ, ବଲିଉଡ୍ ନାୟକ ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରେ ଏହା ହତ୍ୟା କି ଆତ୍ମହତ୍ୟା ତାହା ସ୍ପଷ୍ଟ ହୋଇ ନ ଥିବା ବେଳେ ଏହାସହ ଯୋଡି ହୋଇ ଯାଇଛି ଡ୍ରଗ୍ସ ମାମଲା । ଡ୍ରଗ୍ସ କାରବାରରେ ସୁଶାନ୍ତଙ୍କ ସମ୍ପୃକ୍ତି ଓ ଏଥିରେ ତାଙ୍କ ବାନ୍ଧବି ରିଆ ଚକ୍ରବର୍ତ୍ତିଙ୍କ ଭୂମିକାକୁ ନେଇ ଏବେ ମାମଲା ଚାଲିଛି । ରିଆ ଏହି ମାମଲାରେ ପାଖାପାଖି ଏକ ମାସ ଜେଲ୍ରେ କାଟି ସାରିଲେଣି ।
