ଭୁବନେଶ୍ୱର,୬ା୨(ସ୍ପୋଟର୍ସ ବ୍ୟୁରୋ): କେଶୁରାରେ ତୃତୀୟ ପଞ୍ଚାନନ ସ୍ମାରକୀ କ୍ରିକେଟ ରବିବାର ଉଦ୍ଘାଟିତ ହୋଇଯାଇଛି। ଉଦ୍ଘାଟନୀ ମ୍ୟାଚରେ କଟକର ରାଇଜିଂ ଷ୍ଟୁଡେଣ୍ଟ୍ସ ୪୬ ରନରେ ଭୁବନେଶ୍ୱରର ପ୍ରଗତି ସ୍ପୋଟିର୍ଂକୁ ପରାସ୍ତ କରିଛି। ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ। ଅନ୍ୟ ମାନଙ୍କ ମଦ୍ୟରେ ପି ଜେ ଗ୍ରୁପର ମୁଖ୍ୟ ପ୍ରତାପ ଚନ୍ଦ୍ର ଜେନା, ଭାଇସ୍ ଚେୟାରମ୍ୟାନ ପ୍ରମୋଦ କୁମାର ଜେନା, ଫ୍ରେଣ୍ଡ୍ସ କ୍ଳବ ଅଧ୍ୟକ୍ଷ ପ୍ରମୋଦ କୁମାର ଜେନା ପ୍ରମୁଖ ମ୍ୟାଚ୍ ଉପଭୋଗ କରିଥିଲେ। ରାଇଜିଂ ଷ୍ଟୁଡେଣ୍ଡ୍ସ ପ୍ରଥମେ ବ୍ୟାଟିଂ କରି ବିପ୍ଲବ ସାମନ୍ତରାୟଙ୍କ ଅପରାଜିତ ୯୨, ସୌଭାଗ୍ୟ ମିଶ୍ରଙ୍କ ୫୧ ଓ କାର୍ତ୍ତିକ ବିଶ୍ୱାଳଙ୍କ ୪୬ ରନ୍ ବଳରେ ୩୫ ଓଭରରେ ୬ ଉଇକେଟ ହରାଇ ୨୩୩ ରନ୍ କରିଥିଲା। ପ୍ରଗତି ପକ୍ଷରୁ ମିଲନ ସାମଲ ୩ ଉଇକେଟ ନେଇଥିଲେ। ଜବାବରେ ରୋହିତ ସାଗରଙ୍କ ୮୧ ରନ୍ ସତ୍ତ୍ୱେ ପ୍ରଗତି ସ୍ପୋର୍ଟିଂ ୩୦.୪ ଓଭରରେ ୧୭୯ ରନରେ ଅଲଆଉଟ ହୋଇଥିଲା। ସିଦ୍ଧାର୍ଥ ସିହ୍ନା୪ ଓ ବିପ୍ଳବ ସାମନ୍ତରାୟ ୩ ଉଇକେଟ ନେଇଥିଲେ। ଅଲରାଉଣ୍ଡ ପ୍ରଦର୍ଶନ ପାଇଁ ବିପ୍ଲବ ସାମନ୍ତରାୟଙ୍କୁ ପ୍ଲେୟର ଅଫ୍ ଦ ମ୍ୟାଚ ପୁରସ୍କାର ପ୍ରଦାନ କରିଥିଲେ ପୂର୍ବତନ ରଣଜୀ କ୍ରିକେଟର ବସନ୍ତ ମହାନ୍ତି।
