ନୂଆଦିଲ୍ଲୀ,୨୦।୧: ଇଣ୍ଡିଆନ ପ୍ରିମିୟର ଲିଗର ୧୮ତମ ସିଜିନ ପାଇଁ ଲକ୍ଷ୍ନୌ ସୁପର ଜିଆଣ୍ଟସ୍ ସେମାନଙ୍କର ଅଧିନାୟକ ଘୋଷଣା କରିଛି। ଲକ୍ଷ୍ନୌ ସୁପର ଜିଆଣ୍ଟସ୍ର ମାଲିକ ସଞ୍ଜୀବ ଗୋଏଙ୍କା ନିଶ୍ଚିତ କରିଛନ୍ତି ଯେ ରିଷଭ ପନ୍ତ ଆଇପିଏଲ ୨୦୨୫ରେ ଦଳର ଅଧିନାୟକ ହେବେ। ଗତ ସିଜିନ ପର୍ଯ୍ୟନ୍ତ କେ.ଏଲ ରାହୁଲ ଲକ୍ଷ୍ନୌର ଅଧିନାୟକ ଥିଲେ, କିନ୍ତୁ ତାଙ୍କୁ ଆଇପିଏଲ ୨୦୨୫ ନିଲାମ ପୂର୍ବରୁ ରିଲିଜ୍ କରାଯାଇଥିଲା।
ଆଇପିଏଲ ୨୦୨୫ ମେଗା ନିଲାମରେ ଲକ୍ଷ୍ନୌ ରିଷଭ ପନ୍ତଙ୍କ ପାଇଁ ଏକ ଐତିହାସିକ ନିଲାମ ଲଗାଇଥିଲା। ଲକ୍ଷ୍ନୌ ଏହି ବିସ୍ଫୋରକ ଉଇକେଟ୍ କିପର ବ୍ୟାଟ୍ସମ୍ୟାନଙ୍କୁ ୨୭ କୋଟି ଟଙ୍କାରେ କିଣିଥିଲା। ପନ୍ତ ଆଇପିଏଲ ଇତିହାସରେ ସବୁଠାରୁ ମହଙ୍ଗା ଖେଳାଳି ହୋଇଥିଲେ। ଏବେ ପନ୍ତ ଆଇପିଏଲ ଇତିହାସରେ ସବୁଠାରୁ ମହଙ୍ଗା ଅଧିନାୟକ ମଧ୍ୟ ହୋଇଯାଇଛନ୍ତି।
