ବ୍ରହ୍ମପୁର ଅଫିସ,୩୦।୮: ଗଞ୍ଜାମ ଜିଲା ବ୍ରହ୍ମପୁର ସହରରେ ଶଟ୍ଡାଉନ୍ ଜାରିରହିଛି । ପୋଲିସ ପାଟ୍ରୋଲିଂକୁ ମଧ୍ୟ କଡାକଡି କରାଯାଇଛି। ଏହାସତ୍ତ୍ୱେ ଡକାୟତ ଗ୍ୟାଙ୍ଗ ସକ୍ରିୟ ରହିଛନ୍ତି। ଶନିବାର ବିଳମ୍ବିତ ରାତିରେ ସଦର ଥାନା ଅନ୍ତର୍ଗତ ନିମଖଣ୍ଡି ମହାନ୍ତି ସାହିରେ ରହୁଥିବା ଅବସରପ୍ରାପ୍ତ ପ୍ରଧାନ ଶିକ୍ଷକ ପଞ୍ଚାନନ ଶତପଥୀଙ୍କ ଘରେ ଦୁର୍ବୃତ୍ତ କଳାକନାବୁଲାଇଛନ୍ତି। ଆଲମାରୀରେ ଥିବା ୧.୫୨ ଲକ୍ଷ ଟଙ୍କା , ୧୨ ଭରି ସୁନା ଗହଣା ଓ ଘରର ଅତ୍ୟାବଶ୍ୟକ କାଗଜପତ୍ର ଲୁଟି ନେଇଛନ୍ତି ।
ସୂଚନାଯୋଗ୍ୟ, ଘରେ ସମସ୍ତେ ଶୋଇଥିବା ବେଳେ ଦୁର୍ବୃତ୍ତମାନେ ପଛପଟ କବାଟ ଭାଙ୍ଗି ଘରେ ପଶିଥିଲେ। ପରେ ପଞ୍ଚାନନଙ୍କ ସ୍ତ୍ରୀ ବାସନ୍ତିଙ୍କ ବେକରେ ମାରଣାସ୍ତ୍ର ଲଗାଇ ସେ ପିନ୍ଧିଥିବା ସୁନା ଅଳଙ୍କାର ଓହ୍ଲାଇ ନେଇଥିଲେ। ଅନ୍ୟପଟେ ପଞ୍ଚାନନଙ୍କ ୨ ପୁଅ ବିଭୂତି ଓ ବିଦ୍ୟାଧର ଘରର ଉପର ମହଲାରେ ଶୋଇଥିବା ବେଳେ ସେମାନେ ଘଟଣା ସମ୍ପର୍କରେ ଜାଣିପାରି ନ ଥିଲେ । ଖବରପାଇ ସଦର ଥାନା ଅଧିକାରୀ ଘଟଣାସ୍ଥଳରେ ପହଞ୍ଚି ସାଇଣ୍ଟିଫିକ୍ ଟିମ ସହାୟତାରେ ତଦନ୍ତ ଚଳାଇଛନ୍ତି । ଘର ଆଗରେ ସିସି କ୍ୟମରା ଲଗାଯାଇଥିବା ବେଳେ ଦୁବୃର୍ର୍ମାନେ ଯୋଜନାବଦ୍ଧ ଭାବେ ପଛପଟ ଦେଇ ଘରକୁ ପଶିଥିଲେ।
