ନୂଆ ବର୍ଷ ଆରମ୍ଭ ହେବାକୁ ଆଉ କିଛି ଘଣ୍ଟା ବାକି। ଏମିତିରେ ସମସ୍ତେ ଚାହାନ୍ତି ଏହି ବର୍ଷ ତାଙ୍କ ପାଇଁ ଖୁସି ଏବଂ ସୌଭାଗ୍ୟ ଆଣି ଆସୁ। ତେବେ ବାସ୍ତୁ ଶାସ୍ତ୍ରରେ ଏଭଳି ଅନେକ ଜିନିଷ ବିଷୟରେ ବର୍ଣ୍ଣନା କରାଯାଇଛି ଯାହା ସୌଭାଗ୍ୟ ଆଣି ଆସିଥାଏ। ସେହିଭଳି କିଛି ଦୁର୍ଭାଗ୍ୟ, ଦୁଃଖ, ଦରିଦ୍ରତା ଆଣିଥାଏ। ସେସବୁକୁ ଘରେ ରଖିବା ଅଶୁଭ ହୋଇଥାଏ। ଆଜି ସେଭଳି କିଛି ଜିନିଷ ବିଷୟରେ ଆପଣଙ୍କୁ କହିବୁ ଯାହାକୁ ଆପଣ ନୂଆ ବର୍ଷ ହେବା ପୂର୍ବରୁ ଘରୁ ବାହାର କରିଦେବା ଉଚିତ। ଫଳରେ ଆଗାମୀ ବର୍ଷ ଆପଣଙ୍କ ଲାଗି ସୁଖ, ସମୃଦ୍ଧି ଏବଂ ଉତ୍ତମ ସ୍ବାସ୍ଥ୍ୟ ଆଣି ଆସିବ।
– ଭଙ୍ଗା ମୂର୍ତ୍ତି:-ଘରେ ଦେବାଦେବୀଙ୍କ ଭଙ୍ଗା ମୂର୍ତ୍ତୀ ରହିବା ବହୁତ ଅଶୁଭ। ଏଣୁ ଏଭଳି ମୂର୍ତ୍ତି ଘରେ ଥିଲେ ତାଙ୍କୁ ତୁରନ୍ତ ବିସର୍ଜନ କରିଦିଅନ୍ତୁ। ଏଭଳି ଠାକୁର ଘରେ ଏଭଳି ଫଟୋ ରଖନ୍ତୁ ନାହିଁ। ଏପରି କଲେ ଦରିଦ୍ରତା ବୃଦ୍ଧି ପାଇଥାଏ।
-ପୁରୁଣା ପୋଷାକ:-ପ୍ରାୟତଃ ସମସ୍ତଙ୍କ ଘରେ ପୁରୁଣା ପୋଷାକ ଥାଏ। ଏହାର କେହି ବ୍ୟବହାର କରନ୍ତି ନାହିଁ। ଏଣୁ ଏଭଳି ପୋଷାକ, ଚାଦର, କମ୍ବଳ ଭଳି ଜିନିଷ ଆଦି ରଖନ୍ତୁ ନାହିଁ।
-ଭଙ୍ଗା ଡଷ୍ଟବିନ୍:- ଘରେ ଭଙ୍ଗା ଡଷ୍ଟବିନ୍ ରଖିବା ଅଶୁଭ। ଘରେ ଏହାକୁ ରଖିଲେ ଦୁଃଖ-ଦରିଦ୍ରତା ଏବଂ ରୋଗ ବୃଦ୍ଧି ପାଇଥାଏ।
-ବନ୍ଦ ଘଣ୍ଟା:-ବନ୍ଦ ହୋଇଥିବା ଘଣ୍ଟା ଖରାପ ସମୟର ପ୍ରତୀକ। ଘରଲୋକଙ୍କ ପାଇଁ ଏହା ବହୁତ ଅଶୁଭ। ଏଣୁ ଆପଣ ଖରାପ ହୋଇଥିବା ଘଣ୍ଟା ଘରୁ ବାହାର କରିଦିଅନ୍ତୁ। ନଚେତ ବନ୍ଦ ଘଣ୍ଟାରେ ବ୍ୟାଟେରୀ ପକାନ୍ତୁ।
-ପୁରୁଣା ଖବରକାଗଜ-ଚିରା ବହି:-ଘରେ ପୁରୁଣା ଖବରକାଗଜ ଏବଂ ଚିରା ବହି ରହିବା ସାଧାରଣ କଥା। ହେଲେ ଏହାଦ୍ୱାରା ଘରେ ନକରାତ୍ମକତା ବୃଦ୍ଧି ପାଇଥାଏ। ଏହା ସ୍ବାସ୍ଥ୍ୟ ଏବଂ ଆର୍ଥିକ ସ୍ଥିତି ଉପରେ ଖରାପ ପ୍ରଭାବ ପକାଇଥାଏ। ଏଗୁଡ଼ିକୁ ବାହାର କରିଦିଅନ୍ତୁ।
-ଫଟା ବାସନ:- ରୋଷେଇ ଘରେ ଫଟା ବାସନ ରଖିବା ଅଶୁଭ। ବାସ୍ତୁ ଅନୁସାରେ ଏହା ନକରାତ୍ମକ ଉର୍ଜା ଆଣିଥାଏ। ଏହି କାରଣରୁ ପରିବାରସଦସ୍ୟଙ୍କ ସ୍ବାସ୍ଥ୍ୟ ଖରାପ ହୋଇଥାଏ।
