ନୂଆଦିଲ୍ଲୀ,୪।୫ : ଡିଏମକେ ଏମପି କାନିମୋଝିି କରୁଣାନିଧିଙ୍କୁ ସୁପ୍ରିମକୋର୍ଟ ଏକ ବଡ଼ ଆଶ୍ୱସ୍ତି ଦେଇଛନ୍ତି। କାନିମୋଝିଙ୍କ ନିର୍ବାଚନ ରଦ୍ଦ କରିବାକୁ ଦାବି କରି ସୁପ୍ରିମକୋର୍ଟରେ ଦାଖଲ ହୋଇଥିବା ଆବେଦନକୁ ଶୀର୍ଷ କୋର୍ଟ ଖାରଜ କରିଦେଇଛନ୍ତି। ତାମିଲନାଡୁର ଥୋଥୁକୁଡି ଲୋକସଭା ଆସନରୁ କାନିମୋଝିଙ୍କ ନିର୍ବାଚନକୁ ଚ୍ୟାଲେଞ୍ଜ କରାଯାଇଥିଲା। ଏହା ବିରୋଧରେ କନିମୋଝି ତାଙ୍କ ନିର୍ବାଚନ ବାତିଲ କରିବାକୁ ଦାବି କରିଥିବା ଆବେଦନକୁ ଖାରଜ କରିବା ପାଇଁ ସୁପ୍ରିମକୋର୍ଟରେ ଏକ ପିଟିଶନ ଦାଖଲ କରିଥିଲେ।
ତାଙ୍କ ନିର୍ବାଚନ ରଦ୍ଦ କରିବା ବିରୋଧରେ ସେ ଦାଖଲ ହୋଇଥିବା ଆବେଦନକୁ ମାଡ୍ରାସ ହାଇକୋର୍ଟ ଖାରଜ କରିଦେଇଥିଲେ। ଏହା ପରେ ହାଇକୋର୍ଟଙ୍କ ରାୟକୁ ନେଇ କାନିମୋଝି ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ। କାନିମୋଝିଙ୍କ ଆବେଦନକୁ ଗ୍ରହଣ କରି ସୁପ୍ରିମକୋର୍ଟର ଜଷ୍ଟିସ ଅଜୟ ରାସ୍ତୋଗୀ ଏବଂ ଜଷ୍ଟିସ ବେଲା ଏମ କାନିମୋଜିଙ୍କ ବିରୋଧରେ ଦାଖଲ ହୋଇଥିବା ଆବେଦନକୁ ଖାରଜ କରିଦେଇଛନ୍ତି।
ସୂଚନାଯୋଗ୍ୟ, ୨୦୧୯ ରେ ଥୋଥୁକୁଡି ଲୋକସଭା ଆସନରୁ କାନିମୋଝି ପ୍ରତିଦ୍ୱନ୍ଦ୍ୱିତା କରିଥିଲେ। ତାଙ୍କ ନିର୍ବାଚନକୁ ଏ ସନାତନ କୁମାର ନାମକ ଜଣେ ଭୋଟର ଚ୍ୟାଲେଞ୍ଜ କରିଥିଲେ। ଆବେଦନକାରୀ ଅଭିଯୋଗ କରିଥିଲେ, କାନିମୋଝି ତାଙ୍କ ନିର୍ବାଚନୀ ସତ୍ୟପାଠରେ ତାଙ୍କ ସ୍ବାମୀଙ୍କ ପ୍ୟାନ ନମ୍ବର ଉଲ୍ଲେଖ କରିନାହାଁନ୍ତି। ଏହି ଆଧାରରେ ଆବେଦନକାରୀ କାନିମୋଝିଙ୍କ ନିର୍ବାଚନକୁ ରଦ୍ଦ କରିବାକୁ ଚେଷ୍ଟା କରିଥିଲେ।
