କୋଲକାତା,୬।୪: କୋଲକାତାର ଇଡେନ୍ ଗାର୍ଡେନରେ ଗୁରୁବାର ଖେଳାଯାଇଥିବା ଆଇପିଏଲ୍ର ୯ତମ ମ୍ୟାଚ୍ରେ ଆର୍ସିବି ଅଧିନାୟକ ଫାଫ ଡୁପ୍ଲେସିସ ଟସ୍ ଜିତି ବୋଲିଂ ନିଷ୍ପତ୍ତି ନେଇଥିଲେ। ଫଳରେ ଆମନ୍ତ୍ରଣ ପାଇ କୋଲକାତା ନାଇଟ ରାଇଡର୍ସ ନିର୍ଦ୍ଧାରିତ ୨୦ ଓଭରରେ ୭ ଉଇକେଟ ହରାଇ ୨୦୪ ରନ୍ କରିଛି। ଫଳରେ ଆର୍ସିବି ଆଗରେ୨୦୫ ରନ୍ର ବିଜୟ ଟାର୍ଗେଟ୍ ରଖିଛି କୋଲକାତା।
କୋଲକାତାର ଦୁଇ ଓପନର ରହମାନୁଲ୍ଲା ଗୁରୁବାଜ ଭେଙ୍କଟେଶ ଆୟର ବ୍ୟାଟିଂ କରିବାକୁ ଆସି ପ୍ରାରମ୍ଭିକ ଷ୍ଟାଟ୍ ଦେଇଥିଲେ। ଦଳର ୨୧ ନର୍ରେ ଭେଙ୍କଟେଶ ୩ ରନ୍ କରି ଆଉଟ୍ ହୋଇଯାଇଥିଲେ। ହେଲେ ରହମାନୁଲ୍ଲା ଧର୍ଯ୍ୟର ସହ ବ୍ୟାଟିଂ କରି ୪୪ ବଲରେ ୬ ଚଉକ୍କା ଏବଂ ୩ ଛକ୍କାା ବଳରେ ୫୭ ରନ୍ କରିଥିଲେ। ସେହିପରି ରିଙ୍କୁ ସିଂହ ୪୬ ରନ୍ର ଗୁରୁତ୍ୱପୂର୍ଣ୍ଣ ଇନିସଂ ଖେଳିଥିଲେ। ହେଲେ ଶାର୍ଦ୍ଦୁଳ ଠାକୁର ବିସ୍ଫୋରକ ବ୍ୟାଟିଂ କରି ୨୯ ବଲ୍ରେ ୯ ଚଉକ୍କା ଏବଂ ୩ଟି ଛକ୍କା ସହାୟତାରେ ୬୮ ରନ୍ କରିଥିଲେ। ଫଳରେ କୋଲକାତା ୨୦୪ ରନ୍ କରିବାରେ ସକ୍ଷମ ହୋଇଥିଲା।
ଆର୍ସିବି ପକ୍ଷରୁ ଡେଭିଡ୍ ଓ୍ବିଲି ଏବଂ କରନ୍ ଶର୍ମା ୨ଟି ଲେଖାଏଁ ଉଇକେଟ ନେଇଥିବା ବେଳେ ସହମ୍ମଦ ରିରାଜ, ମାଇକେଲ୍ ବ୍ରେସଓ୍ବେଲ୍ ଏବଂ ହର୍ଷଲ ପଟେଲ ଗୋଟିଏ ଲେଖାଏଁ ଉଇକେଟ ନେବାରେ ସକ୍ଷମ ହୋଇଥିଲେ।
