ଥୁଆମୂଳ ରାମପୁର,୧୮।୪(ଦୁର୍ଗା କୀର୍ତ୍ତି): କଳାହାଣ୍ଡି ଜିଲାର ଆଦି ପୀଠ ଶକ୍ତି ପୀଠ ମହାମାଇ ମାଁ ମାଣିକେଶ୍ବରୀ ବିଜେ ଥୁଆମୂଳ ରାମପୁର, ପ୍ରଭୁ ଶ୍ରୀ ଜଗନ୍ନାଥ ଏବଂ ଦେବ ଦେବ ମହାଦେବ ଶ୍ରୀ ରାମେଶ୍ବରଙ୍କ ନିର୍ମାଣଧୀନ ଭବ୍ୟ ମନ୍ଦିରର ରତ୍ନା ଭରଣ (ରତ୍ନ ମୁଦ) ଉତ୍ସବ ଆଗାମୀ ୨୮ ଏପ୍ରିଲ ୨୦୨୫ ଠାରୁ ୩୦ ଏପ୍ରିଲ ୨୦୨୫ ପବିତ୍ର ଅକ୍ଷୟ ତୃତୀୟା ପର୍ଯ୍ୟନ୍ତ ଆୟୋଜନ ହେବ। ଏହି ଉତ୍ସବରେ ଅଷ୍ଟପ୍ରହରୀ ନାମଯଜ୍ଞ, ହୋମ ଯଜ୍ଞ, ଚଣ୍ଡୀ ପାଠ ତଥା ବିଭିନ୍ନ କାର୍ଯ୍ୟକ୍ରମରେ ୪ ଗୋଟି ମନ୍ଦିରର ପୂଜା କମିଟି ଯଥା ମାଁ ମାଣିଶ୍ବରୀ ମନ୍ଦିର ନିର୍ମାଣ କମିଟି, ବାବା ମହାଦେବ ମନ୍ଦିର ପୂଜା କମିଟି, ପ୍ରଭୁ ଜଗନ୍ନାଥ ମନ୍ଦିର ପୂଜା କମିଟି ଓ ରତ୍ନମୁଦ ଉତ୍ସବ କମିଟିର ସଦସ୍ୟଙ୍କ ସମେତ ସମଗ୍ର ଅଞ୍ଚଳର ମାଁ ମାଣିକେଶ୍ବରୀ ଭକ୍ତ ଓ ଶ୍ରଦ୍ଧାଳୁଙ୍କ ମନରେ ଏକପ୍ରକାର ଚଳଚଞ୍ଚଳ ପ୍ରକାଶ ପାଇଥିବା ଦେଖାଦେଇଛି।
ଏହି ରତ୍ନମୁଦ ଉତ୍ସବ ପାଇଁ ଯାହାକୁ ଯେଉଁ ଦାୟିତ୍ୱ ଦିଆଯାଇଛି ସେ ଅନୁସାରେ ସେମାନେ ନିଜ ନିଜ ଦାୟିତ୍ୱରେ ଲାଗି ଗଲେଣି। ମାତ୍ର ଅଳ୍ପ କିଛି ଦିନ ଅପେକ୍ଷାର ଅନ୍ତ ହେବା ପରେ ଏପ୍ରିଲ ୩୦ ତାରିଖ ବୁଧବାର ଦିନ ରତ୍ନମୁଦ ଉତ୍ସବ ଅନୁଷ୍ଠିତ ହେବ। ଏଥିପାଇଁ ୪ ଗୋଟି ମନ୍ଦିରର ରତ୍ନମୁଦ ଉତ୍ସବ କମିଟିର କର୍ମକର୍ତ୍ତା ମାତୃ କୃପା ଓ ପ୍ରଭୁ କୃପା ଲାଭ କରିବା ନିମନ୍ତେ ସମସ୍ତ ମାଣିକେଶ୍ବରୀ ପ୍ରେମୀ ଭକ୍ତ ଓ ଶ୍ରଦ୍ଧାଳୁଙ୍କୁ ୩ ଗୋଟି ମନ୍ଦିରର ରତ୍ନମୁଦ ଉତ୍ସବ ପାଇଁ ନିମନ୍ତ୍ରଣ କରିବା ସହ ବିଭିନ୍ନ ଦେବା ଦେବୀ ପୀଠ ଯଥା ଥୁଆମୂଳ ମାଁ ମାଣିକେଶ୍ବରୀଙ୍କ ମୂଳ ପୀଠ, ଭବାନୀପାଟଣା ମାଁ ମାଣିକେଶ୍ବରୀ ମନ୍ଦିର, ଶିବ ମନ୍ଦିର, ଜଗନ୍ନାଥ ମନ୍ଦିର, ଜୁନାଗଡ଼ ମାଁ ଲଙ୍କେଶରୀ ମନ୍ଦିର, ଧର୍ମଗଡ଼ ମାଁ ଭଣ୍ଡାର ଘରଣୀ ମନ୍ଦିର, ଆମପାଣି ବାବା ବୁଢ଼ାରଜା ମନ୍ଦିର, ତାଳଗୁଡ଼ ମାଁ ଡୁକୁରୀ ମନ୍ଦିର, ବର୍ଛି ମାଁ ଇର୍ଲିପଟେନ ମନ୍ଦିର ସମେତ ମୁଖ୍ୟ ପୂଜକ, ଯଜମାନ, ବିଭିନ୍ନ ଦଳର ବିଧାୟକ, ସାଂସଦ, ଜିଲ୍ଲାପାଳ, ଉପଜିଲ୍ଲାପାଳ, ଏଡିଏମ, ଜିଲ୍ଲା ସ୍ତରୀୟ ବରିଷ୍ଟ ଅଧିକାରୀ ଏବଂ ପୁରପଲ୍ଲୀ ଠାରୁ ଆରମ୍ଭ କରି ଜିଲ୍ଲାପାଳ,ସହରର ଭଦ୍ର ୍ଯଯକ୍ତି ମାନଙ୍କୁ ସାଦର ନିମନ୍ତ୍ରଣ କରାଯାଉଛି। ଏହି ପରିପ୍ରେକ୍ଷୀରେ ସମଗ୍ର ଗଡ଼ଜାତ ଅଞ୍ଚଳର ଜନସାଧାରଣଙ୍କୁ ବିନମ୍ର ନିବେଦନ ସହ ଉତ୍ସବରେ ଯୋଗଦାନ କରି ଥୁଆମୁଳ ରାମପୁର ବ୍ଳକର ସମସ୍ତ ଜନସାଧାରଣଙ୍କୁ ଉତ୍ସାହିତ କରିବା ପାଇଁ କମିଟି ପକ୍ଷରୁ ଅନୁରୋଧ କରାଯାଉଛି।
