ପୁରୀ ଅଫିସ,୨।୩: ଚଳିତ ବର୍ଷ ପାଇଁ ଶ୍ରୀମନ୍ଦିର ନୀତିକାନ୍ତି ଓ ପର୍ବପର୍ବାଣୀ ତାଲିକା ସୋମବାର ପ୍ରକାଶ ପାଇଛି। ଶ୍ରୀମନ୍ଦିର ପ୍ରଶାସନ ପକ୍ଷରୁ ଏହି ତାଲିକା ପ୍ରକାଶିତ ହୋଇଛି। ତାଲିକାରେ ଉଲ୍ଲେଖ ରହିଛି ଯେ, ଏପ୍ରିଲ୍ ୧୪ରେ ମହାବିଷୁବ ସଂକ୍ରାନ୍ତି, ୨୧ରେ ରାମନବମୀ, ୨୭ରେ ଲଙ୍କାପୋଡ଼ି ଓ ଚୈତ୍ର ପୂର୍ଣ୍ଣିମା, ମେ ୧୫ରେ ଅକ୍ଷୟ ତୃତୀୟା, ୨୫ରେ ନୃସିଂହ ଜନ୍ମ, ଜୁନ ୧୦ରେ ସାବିତ୍ରୀ ଅମାବାସ୍ୟା, ୧୫ରେ ଶିବବିବାହ ଓ ରଜ ସଂକ୍ରାନ୍ତି ପାଳନ ହେବ। ଜୁନ୍ ୨୪ରେ ସ୍ନାନଯାତ୍ରା ଓ ଜୁଲାଇ ୯ରେ ନବଯୌବନ ଦର୍ଶନ ଅନୁଷ୍ଠିତ ହେବ। ଜୁଲାଇ ୧୨ରେ ରଥଯାତ୍ରା, ୧୬ରେ ହେରାପଞ୍ଚମୀ, ଅଗଷ୍ଟ ୧୭ରେ ଝୁଲଣ ଯାତ୍ରା, ୩୦ରେ ଜନ୍ମାଷ୍ଟମୀ, ସେପ୍ଟେମ୍ବର ୯ରେ ବାଲିତୃତୀୟା, ୧୦ରେ ଗଣେଶ ଚତୁର୍ଥୀ, ୧୪ରେ ରାଧାଷ୍ଟମୀ ପାଳନ ହେବ। ଅକ୍ଟୋବର ୧୨ରେ ମହାଷ୍ଟମୀ, ନଭେମ୍ବର ୧୨ରେ ଅଁଳା ନବମୀ, ଡିସେମ୍ବର ୪ରେ ଦେବଦୀପାବଳି ଉତ୍ସବ ପାଳନ କରାଯିବ। ନୀତିକାନ୍ତି ନିର୍ଦ୍ଧାରଣ ନେଇ ପୂର୍ବରୁ ପରିଚାଳନା କମିଟି ବୈଠକ ହୋଇଥିଲା। ମୁକ୍ତିମଣ୍ଡପ ପଣ୍ଡିତ ସଭାର ଅନୁମୋଦନ ପରେ ଏହି ପର୍ବପର୍ବାଣୀ ଓ ନୀତିକାନ୍ତି ନିର୍ଦ୍ଧାରିତ ହୋଇଥିଲା।
