ବେତନଟୀ, ୧୬।୧୦(ସ୍ବ.ପ୍ର.): ବାଲେଶ୍ୱର-ବାରିପଦା ରାସ୍ତାର ୧୮ନଂ. ଜାତୀୟ ରାଜପଥର କଳମା ଛକ ନିକଟ ଜଙ୍ଗଲରେ ଜଣେ ଯୁକ୍ତ ୩ ଛାତ୍ରୀଙ୍କୁ ଗଣବଳାତ୍କାର କରାଯାଇଛି। ଛାତ୍ରୀଙ୍କ ସହ ଥିବା ଜଣେ ଯୁବକଙ୍କୁ ମଧ୍ୟ ପ୍ରବଳ ମାଡ ମାରିବା ପରେ ଗଛରେ ବାନ୍ଧି ଅଭିଯୁକ୍ତମାନେ ତାଙ୍କ ମୋବାଇଲ ନେଇଯାଇଥିଲେ। ଦଶହରା ପାଇଁ ପାଟ୍ରୋଲିଂ କରୁଥିବା ବୈଶିଙ୍ଗା ପୋଲିସ ସେଠାରେ ପହଞ୍ଚି ବନ୍ଧା ହୋଇଥିବା ଯୁବକଙ୍କୁ ଉଦ୍ଧାର କରିବା ସହ ଛାତ୍ରୀଙ୍କୁ ଉଦ୍ଧାର କରିଥିଲା। ଛାତ୍ରୀ ଓ ଯୁବକଙ୍କ ବୟାନ ଭିତ୍ତିରେ ପୋଲିସ ସ୍ପେଶାଲ ସ୍କ୍ବାଡ୍ ଗଠନ କରି ଅଭିଯୁକ୍ତ ୩ଜଣଙ୍କୁ ଧରିବାରେ ସକ୍ଷମ ହୋଇଛି।
ସୂଚନାଯୋଗ୍ୟ, ଶୁକ୍ରବାର ସନ୍ଧ୍ୟାରେ ବାଲେଶ୍ୱର ଅଞ୍ଚଳର ଛାତ୍ରୀଜଣକ ତାଙ୍କ ପୁରୁଷ ବନ୍ଧୁଙ୍କ ସହ ବାରିପଦା ଅଭିମୁଖେ ଯାଉଥିବା ସମୟରେ କୌଣସି କାରଣବଶତଃ ୧୮ନଂ. ଜାତୀୟ ରାଜପଥର କଳମା ଛକ ପାଖରେ ଠିଆ ହୋଇଥିଲେ। ବାଲେଶ୍ୱର ଜିଲା ବାଙ୍କତିରା ଅଞ୍ଚଳର ଦୁଇଜଣ ଯୁବକ ବାଇକ ଯୋଗେ ଆସି ଉକ୍ତ ସ୍ଥାନରେ ଅଟକିଥିଲେ। ସେମାନେ ଏକାକୀ ଯୁବତୀ ଯୁବକଙ୍କୁ ଦେଖି ଫୋନ କରି ଗଁ। ରୁ ଆଉ ଜଣେ ଯୁବକଙ୍କୁ ଡକାଇ ଛାତ୍ରୀଙ୍କ ପୁରୁଷ ବନ୍ଧୁଙ୍କୁ ପ୍ରବଳ ମାଡ ମାରି ଏକ ଗଛରେ ବାନ୍ଧି ପକାଇଥିଲେ। ଦୁଇଜଣ ଯୁବକ ଜଙ୍ଗଲ ମଧ୍ୟକୁ ଛାତ୍ରୀଙ୍କୁ ଟେକି ନେଇ ବଳାତ୍କାର କରିଥିଲେ। ଶନିବାର ସମସ୍ତଙ୍କର ଡାକ୍ତରୀମାଇନା କରାଯିବା ପରେ ନିଜେ ଭାରପ୍ରାପ୍ତ ଅଧିକାରୀ ଏକ ମାମଲା(ନଂ.୩୦୨/୨୧) ରୁଜୁ କରି ସାରେ ଅଭିଯୁକ୍ତମାନଙ୍କୁ ବାରିପଦା କୋର୍ଟଚାଲାଣ କରିଛନ୍ତି।
