ମୁମ୍ବାଇ: ଫେମିନା ମିସ୍ ଇଣ୍ଡିଆ-୨୦୨୦ର ପ୍ରଥମ ରନର୍ସ ଅପ୍ ଉତ୍ତର ପ୍ରଦେଶର ମାନ୍ୟା ସିଂ ଏବେ ବିଗ୍ବସ୍ ସିଜନ-୧୬ରେ ନଜରକୁ ଆସିଛନ୍ତି। ତେବେ ତାଙ୍କୁ ଏହି ସଫଳତାରେ ପହଞ୍ଚିବାକୁ ଅନେକ କଷ୍ଟ ସହିବାକୁ ପଡ଼ିଛି। ଅନେକ ସଂଘର୍ଷ କରିବାକୁ ପଡ଼ିଛି। ମାନ୍ୟା ନିକଟରେ ଏକ ସାକ୍ଷାତ୍କାରରେ ତାଙ୍କ ସଂଘର୍ଷମୟ ଜୀବନ ବାବଦରେ କହିଛନ୍ତି। ସେ ଉତ୍ତରପ୍ରଦେଶର କୁଶୀନଗର ଭଳି ଛୋଟ ସହରରେ ଜନ୍ମ ହୋଇଛନ୍ତି। ସେ ତାଙ୍କ ମଡେଲିଂ କ୍ୟାରିୟର ପାଇଁ ତିନି ଥର ଘରୁ ୫୦ ଟଙ୍କା ଧରି ପଳାଇବାକୁ ଉଦ୍ୟମ କରିଥିଲେ। ହେଲେ ସେ ସମୟରେ ପୋଲିସ ତାଙ୍କୁ ଧରି ଘରେ ଛାଡିଥିଲା। ଘରେ ଏନେଇ ତାଙ୍କ ବିବାହ ପାଇଁ ପ୍ରସ୍ତୁତି କରିଥିଲେ। କିନ୍ତୁ ସେ ବିବାହ କରିବାକୁ ଚାହୁଁ ନ ଥିଲେ। ସେଥିପାଇଁ ସେ ପୁଣି ଘରୁ ପଳାଇଲେ। ସେ ମୁମ୍ବାଇରେ ପହଞ୍ଚିବା ପରେ ପୋଲିସ ତାଙ୍କୁ ଧରି ଥାନାରେ ରଖି ଘର ଲୋକଙ୍କୁ ଡାକିଥିଲା। ମାନ୍ୟାଙ୍କ ଏପରି ଦୟନୀୟ ଅବସ୍ଥା ଦେଖି ପରିବାର ତାଙ୍କ ଇଚ୍ଛା ମୁତାବକ ମୁମ୍ବାଇରେ ରହିବାକୁ ସ୍ଥିର କଲେ। ଏହାପରେ ସେ ତାଙ୍କ ଲକ୍ଷ୍ୟପଥରେ ଆଗେଇ ଚାଲିଲେ। ବିଭିନ୍ନ ପ୍ରତିଯୋଗିତାରେ ଭାଗ ନେବା ପରେ ଶେଷରେ ଫେମିନା ମିସ୍ ଇଣ୍ଡିଆ-୨୦୨୦ର ପ୍ରଥମ ରନର୍ସ ଅପ୍ ମୁକୁଟ ପିନ୍ଧିଥିଲେ। ପରେ ସେ ଗୋଟିଏ ପରେ ଗୋଟିଏ ପାହାଚ ଚଢିଥିବା କହିଛନ୍ତି।
