ଗଞ୍ଜାମ,୧।୨(ବିଦ୍ୟାଧର ସାହୁ): ଗଞ୍ଜାମ ବ୍ଲକ ଅନ୍ତର୍ଗତ କରପଡା ପଞ୍ଚାୟତର ନୀଳାଦ୍ରିପୁରସ୍ଥିତ ପ୍ରସିଦ୍ଧ ମା’ ରାମଚଣ୍ଡୀଙ୍କ ଶକ୍ତିପୀଠରେ ଫେବୃଆରୀ ୬, ୭ ଓ ୮ ତାରିଖ ୩ଦିନ ଧରି ”ମାଁ ରାମଚଣ୍ଡିମହୋତ୍ସବ-.୨୦୨୬“ ଅନୁଷ୍ଠିତ ହେବ। ମା’ଙ୍କ ନୂତନ ମନ୍ଦିର ପ୍ରତିଷ୍ଠାର ତୃତୀୟ ବାର୍ଷିକ ଉତ୍ସବ ଉପଲକ୍ଷେ ଏହି ତିନିଦିନିଆ ମହୋତ୍ସବ ପ୍ରତିବର୍ଷ ଅନୁଷ୍ଠିତ ହେଉଛି। ପ୍ରତି ବର୍ଷ ଭଳି, ଚଳିତ ବର୍ଷ ମଧ୍ୟ ଅନୁଷ୍ଠିତ ହେବ ।
ମା’ ରାମଚଣ୍ଡି ମନ୍ଦିର ପରିବାର ପକ୍ଷରୁ ଅନୁଷ୍ଠିତ ଏହି ମହୋତ୍ସବରେ ବିଭିନ୍ନ ଲୋକକଳା ନୃତ୍ୟ ସହ, ଓଡିଶାରେ ସୁନାମଧନ୍ୟ ଅଭିନେତା ସବ୍ୟସାଚୀ ମିଶ୍ର, କଣ୍ଠଶିଳ୍ପୀ ଗୁରୁ ଗଣେଶ ପଟ୍ଟନାୟକ, ଡା. ଅନୁରାଧା ପାଣିଗ୍ରାହୀ, ସାଇ ଶାସ୍ତ୍ରୀ, ଅଙ୍କିତା ରାଣୀ, ନାଭ୍ୟା ଯାଇତି, ଯୋଗଦେବାର କାର୍ଯ୍ୟକ୍ରମ ରହିଥିବା ସଂଯୋଜକ କମଳ ପଣ୍ଡା କହିଛନ୍ତି। ଏହାସହ ଚଣ୍ଡୀ ମହାଯଜ୍ଞ, ସାଧୁପୂଜନ, ପ୍ରସାଦ ସେବନ ସହ, ମିନା ବଜ଼ାର, ପଲ୍ଲୀଶ୍ରୀ ମେଳା ଅନୁଷ୍ଠିତ ହେବ । ମା’ଙ୍କ ଦର୍ଶନ ସହ, ମହୋତ୍ସବର ମଜା ନେବାକୁ ମନ୍ଦିର ପରିବାର ପକ୍ଷରୁ ଅନୁରୋଧ କରାଯାଇଛି ।
