ବେଙ୍ଗାଲୁରୁ,୨୨।୧ : ରାମଚରିତମାନସ ବିବାଦ ପରେ କର୍ନାଟକର ଲେଖକ କେ.ଏସ ଭଗବାନ ପୁଣି ପ୍ରଭୁ ଶ୍ରୀରାମଙ୍କ ବିଷୟରେ ଆଉ ଏକ ବିବାଦ ସୃଷ୍ଟି କରିଛନ୍ତି। ସେ ଭଗବାନ ରାମ ଏବଂ ସୀତାଙ୍କ ବିଷୟରେ ଅନେକ ଆପତ୍ତିଜନକ ମନ୍ତବ୍ୟ ଦେଇଛନ୍ତି। ସେ ଦାବି କରିଛି ଯେ ବାଲ୍ମିକୀ ରାମାୟଣରେ କୁହାଯାଇଛି ଯେ ଭଗବାନ ରାମ ପ୍ରତିଦିନ ଅପରାହ୍ନରେ ତାଙ୍କ ପତ୍ନୀ ସୀତାଙ୍କ ସହ ବସି ମଦ୍ୟପାନ କରୁଥିଲେ। ସେ ତାଙ୍କ ପତ୍ନୀ ସୀତାଙ୍କ ବିଷୟରେ ତିଳେ ମାତ୍ର ଚିନ୍ତା ନ କରି ତାଙ୍କୁ ଜଙ୍ଗଲକୁ ପଠାଇଥିଲେ।
କେବଳ ଏତିକି ନୁହେଁ, ସେ ଏହା ମଧ୍ୟ କହିଛନ୍ତି ଯେ ରାମ ଏକ ଗଛ ତଳେ ତପସ୍ୟା କରୁଥିବା ଶୁଦ୍ର ଶମ୍ବୁକଙ୍କ ମୁଣ୍ଡ କାଟି ଦେଇଥିଲେ। ସେ ପ୍ରଶ୍ନ ଉଠାଇଛନ୍ତି ଯେ ରାମ କିପରି ଜଣେ ଆଦର୍ଶ ପୁରୁଷ ହୋଇପାରିବେ? ରାମ ରାଜ୍ୟ ଗଠନ କରିବା କଥା ନେଇ ଚର୍ଚ୍ଚା ହେଉଛି। କିନ୍ତୁ ବାଲ୍ମିକୀ ରାମାୟଣର ଉତ୍ତର କାଣ୍ଡ ଦର୍ଶାଏ ଯେ ପ୍ରଭୁ ରାମ ଆଦର୍ଶ ପୁରୁଷ ନ ଥିଲେ। ସେ ୧୧ ,୦୦୦ ବର୍ଷ ଶାସନ କରି ନ ଥିଲେ। ତାଙ୍କ ଶାସନ କାଳ ମାତ୍ର ୧୧ ବର୍ଷ ଥିଲା।
