ପାଟନା,୫ ।୧୧: ବିହାର ବିଧାନସଭା ନିର୍ବାଚନର ତୃତୀୟ ପର୍ଯ୍ୟାୟ ପ୍ରଚାରର ଶେଷ ଦିନରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଏକ ନିର୍ବାଚନ ସଭାରେ ଯୋଗ ଦେଇଛନ୍ତି । ଏହି ଅବସରରେ ସେ ପାକିସ୍ତାନ ଉପରେ ଖୁବ୍ ବର୍ଷିଛନ୍ତି । ରାଜନାଥ କହିଛନ୍ତି ପାକସ୍ତାନ ଯଦି ଭାବୁଛି ପିଓକେ ତା’ର ବୋଲି ତେବେ ଏହା ଭୁଲ୍ । କାରଣ ପିଓକେ ଭାରତର ଥିଲା ଓ ରହିବ । ଏହାପରେ ରାଜନାଥ ୱିଙ୍ଗ କମାଣ୍ଡର ଅଭିନନ୍ଦନ ବର୍ଥମାନଙ୍କ କଥା ଉଠାଇଥିଲେ । ସେ ପାକିସ୍ତାନ ସାଂସଦଙ୍କ କଥାକୁ ନେଇ କହିଥିଲେ ପାକିସ୍ତାନ କିପରି ଅଭିନନ୍ଦନ ବର୍ଥମାନଙ୍କୁ ନେଇ ଭୟ ପାଇ ଯାଇଥିଲା । ଅନ୍ୟପଟେ ସୀମାରେ ଚାଇନା ସହ ଲାଗି ରହିଥିବା ବିବାଦକୁ ନେଇ ରାଜନାଥ କହିଛନ୍ତି ଭାରତୀୟ ସେନା ଯେଉଁଭଳି ଭାବେ ନିଜର ପରାକ୍ରମ ଦେଖାଇଛନ୍ତି ତାହା ବାସ୍ତବରେ ପ୍ରଶଂସନୀୟ ।
