କେନ୍ଦୁଝର,୨୦ା୮(ନରେଶ ଚନ୍ଦ୍ର ପଟ୍ଟନାୟକ): ବୁଧବାର ଜିଲା କଂଗ୍ରେସ ପକ୍ଷରୁ ପୂର୍ବତନ ପ୍ରଧାନମନ୍ତ୍ରୀ ସ୍ବର୍ଗତ ରାଜୀବ ଗାନ୍ଧୀଙ୍କ ଜନ୍ମ ଜୟନ୍ତୀରେ ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଛି।
ଦେଶର ସର୍ବ କନିଷ୍ଠ ପ୍ରଧାନମନ୍ତ୍ରୀ ରାଜୀବ ଗାନ୍ଧୀ ଯୁବକମାନଙ୍କ ଉନ୍ନତି ଲାଗି ଅନେକ ପଦକ୍ଷେପ ନେଇଥିଲେ। ବେକାରୀ ଦୂର ଲାଗି କର୍ମ ନିୟୋଜନ ଉପରେ ଦୃଷ୍ଟି ଦେଇଥିଲେ। ଟେଲି ଯୋଗାଯୋଗ କମ୍ପ୍ୟୁଟର ବିଜ୍ଞାନ କାରିଗରୀ ଶିକ୍ଷା ଓ ପ୍ରୟୋଗ ଉପରେ ଜୋର ଦେଇଥିଲେ। ଦେଶ ଲାଗି ଅନେକ ସ୍ବପ୍ନ ଦେଖି ସେ ମାତ୍ର ୪୬ବର୍ଷ ବୟସରେ ଶହୀଦ ହୋଇ ଯାଇଥିଲେ ବୋଲି ତାଙ୍କୁ ମନେ ପକାଇ ଉଦ୍ବୋଧନ ଦେଇ ଦଳୀୟ ନେତା କହିଥିଲେ। ପଡ଼ୋଶୀ ଶ୍ରୀଲଙ୍କାକୁ ଶାନ୍ତି ସେନା ପଠାଇ ସଦ୍ଭାବନା ଉପରେ ସେ ମହାନ କାର୍ଯ୍ୟ କରିଥିବାରୁ ଦେଶ ଆଜି ତାଙ୍କ ଜନ୍ମଦିନରେ ରାଷ୍ଟ୍ରୀୟ ସଦ୍ଭାବନା ଦିବସ ପାଳନ କରୁଛି। ପୁଣି ସେ ଯୁବକଙ୍କ ଲାଗି ଉର୍ଜା ଅପାର ଶକ୍ତି ପ୍ରେରଣାର ଉତ୍ସ ହୋଇଥିବାରୁ ଆଜି ଦିନକୁ ସରକାରୀ ଭାବେ ଅକ୍ଷୟ ଉର୍ଜା ଦିବସ ଭାବେ ପାଳନ କରାଯାଏ ବୋଲି କହିଛନ୍ତି।
ଏହି ଅବସରରେ ଦଳୀୟ ନେତା କର୍ମୀ ଯୁବଛାତ୍ର କଂଗ୍ରେସ ପକ୍ଷରୁ ଏହି ମହାନ ଦିବଂଗତ ନେତାଙ୍କୁ ଶ୍ରଦ୍ଧା ସୁମନ ଅର୍ପଣ କରି ଶ୍ରଦ୍ଧାଞ୍ଜଳି ଦିଆଯାଇଥିଲା। ଏହି କାର୍ଯ୍ୟକ୍ରମରେ ଜିଲା କଂଗ୍ରେସ ସଂଯୋଜିକା ସୁଶ୍ରୀ ସଂଗୀତା ସିଂହ, ଜିଲା ଯୁବ କଂଗ୍ରେସ ସଭାପତି ସୁନେଶ ଧୀର, ଛାତ୍ର କଂଗ୍ରେସ ସଭାପତି ଶୁଭମ ରାଜ, ବରିଷ୍ଠ କଂଗ୍ରେସ ନେତା ମୋହନ ଚରଣ ପରିଡ଼ା, ସଂଗ୍ରାମ ଦାସ,ବିନୋଦ ବିହାରୀ ନାୟକ, ନିର୍ମଳ ନାୟକ, ରଘୁନାଥ ପାତ୍ର, ସୁଢ଼ଳ କୁମାର ସେଠୀ, ଲଳିତ ମୋହନ ନାୟକ, ମନୋରଞ୍ଜନ ରାଉତଙ୍କ ସହ ଅନେକ କଂଗ୍ରେସ କର୍ମୀ ଉପସ୍ଥିତ ରଖି ସ୍ବର୍ଗତ ରାଜୀବ ଗାନ୍ଧୀଙ୍କ ଫଟୋରେ ଧୂପ ଦୀପ ପୁଷ୍ପମାଲ୍ୟ ଦେଇ ସମ୍ମାନ ଜଣାଇଥିଲେ।
