ନୂଆଦିଲ୍ଲୀ,୧୨।୧୨:ଆଜି ସୁପରଷ୍ଟାର ରଜନୀକାନ୍ତଙ୍କର ଜନ୍ମଦିନ । ସାଉଥ ସୁପରଷ୍ଟାର ରଜନୀକାନ୍ତ ତାଙ୍କ ଫିଲ୍ମ କ୍ୟାରିୟରରେ ଅନେକ ସୁପରହିଟ୍ ଫିଲ୍ମ ଭେଟି ଦେଇଆସୁଛନ୍ତି । ସାରା ବିଶ୍ବରେ ତାଙ୍କର ଅନେକ ପ୍ରଶଂସକ ରହିଛନ୍ତି । ତାଙ୍କ କାହାଣୀ ଅନେକ ଲୋକଙ୍କୁ ପ୍ରେରିତ କରିଛି । ୭୫ ବର୍ଷ ବୟସରେ ପାଦ ଦେଇଛନ୍ତି ଥାଲାଇଭା । ତେବେ ତାଙ୍କ ଜନ୍ମଦିନରେ ଶହଶହ ଫ୍ୟାନ୍ସଙ୍କର ଶୁଭେଚ୍ଛାର ସୁଅ ଛୁଟୁଛି ।
ରଜନୀକାନ୍ତଙ୍କ ଜନ୍ମ ୧୯୫୦ମସିହା ଡିସେମ୍ବର ୧୨ ରେ ବାଙ୍ଗାଲୋରରେ ହୋଇଥିଲା। ତାଙ୍କ ପିତା ରାମୋଜୀ ରାଓ ଗାଏକୱାଡ ଜଣେ ପୋଲିସ କନଷ୍ଟେବଳ ଥିଲେ ଏବଂ ତାଙ୍କ ମାଆ ଜଣେ ଗୃହିଣୀ ଥିଲେ। ଏହି ଅଭିନେତା ମରାଠା ହିନ୍ଦୁ ପରିବାରର ଏବଂ ହିନ୍ଦୁ ଧର୍ମ ପାଳନ କରନ୍ତି । ତାଙ୍କ ପରିବାରର ଆର୍ଥିକ ସ୍ଥିତି ସ୍ବଚ୍ଛଳ ନହେବା କାରଣରୁ ତାଙ୍କୁ ପିଲାଦିନକୁ କାମ କରିବାକୁ ପଡିଲା ।
ଅଭିନେତା ପୂର୍ବରୁ ରଜନୀକାନ୍ତ ଫିଲ୍ମ କଣ୍ଡକ୍ଟର ଥିଲେ । ସେ ବସରେ ଟିକେଟ କାରୁଥିଲେ । ତାଙ୍କ ଟିକେଟ କାଟିବା ଶୈଳୀ ଏବଂ ନିଆରା ଅନ୍ଦାଜ ପାଇଁ ଲୋକେ ବସରେ ବସିବା ପାଇଁ ଲାଇନ ଲଗାଉଥିଲେ । ବର୍ତ୍ତମାନ ଏପରି ସମୟ ଆସିଛି ଯେ, ହଲରେ ତାଙ୍କୁ ଦେଖିବା ପାଇଁ ଫ୍ୟାନ୍ସଙ୍କ ଲାଇନ ଲାଗୁଛି ।
ତେବେ ରଜନୀକାନ୍ତଙ୍କ ଜନ୍ମଦିନ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ଶୁଭେଚ୍ଛା ଜଣାଇଛନ୍ତି ।ମୋଦି ଏକ୍ସରେ ପୋଷ୍ଟ କରି କହିଛନ୍ତି ଯେ, ରଜନୀକାନ୍ତଙ୍କୁ ଜନ୍ମଦିନର ଶୁଭେଚ୍ଛା । ତାଙ୍କର ଅଭିନୟ ପିଢ଼ି ପିଢ଼ିକୁ ଆକର୍ଷିତ କରିଛି ଏବଂ ବିପୁଳ ପ୍ରଶଂସା ମଧ୍ୟ ପାଇଛନ୍ତି । ସେ ଏପରି ଅନେକ ରୋଲ କରିଛନ୍ତି ଯାହା ଏକ ବେଞ୍ଚମାର୍କ ସୃଷ୍ଟି କରିଛି । ଚଳିତ ବର୍ଷ ତାଙ୍କର ଜନ୍ମଦିନ ବହୁତ ଖାସ୍ କାରଣ ସେ ଫିଲ୍ମ କ୍ୟାରିୟରରେ ୫୦ ବର୍ଷ ପୂରଣ କରିଛନ୍ତି । ତାଙ୍କର ଦୀର୍ଘାୟୁ ନେଇ ପ୍ରାର୍ଥନା କରୁଛୁ ବୋଲି କହିଛନ୍ତି ମୋଦି ।
