ଜୟପୁର,୨୭ ।୧: ରାଜସ୍ଥାନରେ ଚଳିତ ବର୍ଷ ହେବାକୁ ଯାଉଛି ବିଧାନସଭା ନିର୍ବାଚନ । ମୁଖ୍ୟମନ୍ତ୍ରୀ ଅଶୋକ ଗେହଲୋଟ ଏଥର ମଜଭୁତ ଭାବେ ଅଡି ବସିଛନ୍ତି । ତାଙ୍କୁ ଲାଗୁଛି କି ପୁଣିଥରେ ତାଙ୍କ ସରକାର ଫେରିବ । ସେ ସାଧାରଣତନ୍ତ୍ର ଦିବସରେ ଏକ ବଡ ସଙ୍କେତ ସହ ଏକ ବାର୍ତ୍ତା ଦେଇଛନ୍ତି ଏହି ବାର୍ତ୍ତାରେ ଟାଇମିଂର ଚର୍ଚ୍ଚା ଅଧିକ ରହିଛି । କାରଣ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର ଭିଲୱାଡା ଗସ୍ତ କରିବାର କାର୍ଯ୍ୟକ୍ରମ ରହିଛି । ଏହା ପୂର୍ବରୁ ମୁଖ୍ୟମନ୍ତ୍ରୀ ଗେହଲୋଟ କହିଛନ୍ତି ଗତ ଥରର ନିର୍ବାଚନ କଂଗ୍ରେସ ମୋଦି ଲହରରେ ହାରି ଯାଇଥିଲା ହେଲେ ଏଥର ସେମିତି ହେବ ନାହିଁ ।
ମୋଦିଙ୍କ ଗସ୍ତର ଗୋଟିଏ ଦିନ ପୂର୍ବରୁ ଏହି ବୟାନର ଅନେକ କାରଣ ବାହାରୁଛି । ଅନ୍ୟପଟେ ଗତବର୍ଷ ପ୍ରତ୍ୟେକ କଂଗ୍ରେସ ନେତା ହାଇ କମାଣ୍ଡଙ୍କ କଥା କହୁଥିଲେ, ହେଲେ ଏବେ ଲାଗୁଛି ସେ ହଠାତ୍ ବୋଧହୁଏ ହାଇ କମାଣ୍ଡ ଶବ୍ଦକୁ ଭୁଲି ଯାଇଛନ୍ତି । ତେଣୁ ଏଥର ହାଇ କମାଣ୍ଡଙ୍କ ଚର୍ଚ୍ଚା କରି ନାହାନ୍ତି । ଗେହଲୋଟ ନୂଆ ସ୍ଲୋଗାନ ଦେଇଛନ୍ତି ୧୫୬ ଆସନର । ମୁଖ୍ୟମନ୍ତ୍ରୀ ଏକଜୁଟ ହେବାର କଥା ବି କହିନ୍ତି । ଏହି କଥା ଓ କାମରେ ଟାଇମିଂ ଗୁରତ୍ୱପୂର୍ଣ୍ଣ ବୋଲି କୁହାଯାଉଛି ।
ମୁଖ୍ୟମନ୍ତ୍ରୀ ଅଶୋକ ଗେହଲୋଟ ୧୫୬ ଆସନରେ ବିଜୟୀ ହେବେ ବୋଲି କହିଛନ୍ତି । ସେ ଆହୁରି ମଧ୍ୟ କହିଛନ୍ତି ଯେତେବେଳେ ସେ ଅଧ୍ୟକ୍ଷ ଥିଲେ ସେତେବେଳେ ଭଲ କାମ ହେଉଥିଲା । ଗତଥର ଜନତାଙ୍କ ହୃଦୟରେ ଥିଲା କି ଗେହଲୋଟ ମୁଖ୍ୟମନ୍ତ୍ରୀ ହୁଅନ୍ତୁ । ୧୫୬ ଆସନରେ ବିଜୟୀ ହେବା କହି ଗେହଲୋଟ ବଡ ବାଜି ଲଗାଇଛନ୍ତି । ଏହାପଛରେ ଅନେକ ରାଜନୈତିକ କାରଣ ଥିବା କୁହାଯାଉଛି । ହେଲେ ଏହା ଏକ ପ୍ରକାର ନିର୍ବାଚନ ପୂର୍ବର ମାଷ୍ଟର ଷ୍ଟ୍ରୋକ ବୋଲି ବି କୁହାଯାଉଛି । ଆସନ ଜିତିବାର ନାରା ଭାଜପା ଦେଇ ଆସୁଛି । ହେଲେ ଏଥର ଗେହଲୋଟ ଖୋଲାଖୋଲି ଭାବେ ଏହା କହିଛନ୍ତି ।
