ରାଇକିଆ,୨୧।୪(ପ୍ରଦୀପ ବେହେରା): କନ୍ଧମାଳ ଜିଲା ଏଥଲେଟିକ୍ସ ଆସୋସିଏସନ୍ ତରଫରୁ ଆୟୋଜିତ ୧୫ବର୍ଷରୁ କମ୍ “ସିଏମ୍ ଟ୍ରଫି ୨.୦” ଜିଲାସ୍ତରୀୟ ଖୋଖୋ ପ୍ରତିଯୋଗୀତାରେ ଚାମ୍ପିୟନ୍ ହୋଇଛନ୍ତି ରାଇକିଆ ସରକାରୀ ବାଳିକା ବିଦ୍ୟାଳୟର ଛାତ୍ରୀ । ଏହି ପ୍ରତିଯୋଗୀତାରେ ଭଲି ପରେ ଖୋଖୋରେ ଛାତ୍ରୀମାନେ ସଫଳତା ଅର୍ଜନ କରିଛନ୍ତି ।
ଫାଇନାଲରେ ରାଇକିଆ ସରକାରୀ ବାଳିକା ବିଦ୍ୟାଳୟର ଛାତ୍ରୀମାନେ ଟିକାବାଲି ବ୍ଲକର ତଲାରିମହା ସରକାରୀ ବାଳିକା ବିଦ୍ୟାଳୟକୁ ହରାଇ ଚାମ୍ପିୟନ୍ ହୋଇଥିଲେ । ଏହି ଅବସରରେ ଜିଲା ଏଥଲେଟିକ୍ସ ଆସୋସିଏସନ୍ କନ୍ଧମାଳର ସେକ୍ରେଟାରୀ ଶିବ ପ୍ରସାଦ ତ୍ରିପାଠୀ ମୁଖ୍ୟ ଅତିଥି ଭାବେ ଉପସ୍ଥିତ ଥିଲେ।
ଜିଲା କ୍ରୀଡା ଅଧିକାରୀ ସମୀର ନାୟକ, ଜିଲା କ୍ରୀଡା ଶିକ୍ଷା ଅଧିକାରୀ ସଞ୍ଜୟ କୁମାର ପାତ୍ର ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। ବରିଷ୍ଠ ଶାରୀରିକ ଶିକ୍ଷକ ରଙ୍କନିଧି ବେହେରା ମୁଖ୍ୟ ସଂଯୋଜକ ଭାବେ ଦାୟିତ୍ୱ ନିର୍ବାହ କରିଥିଲେ। ମ୍ୟାଚ୍ ପରିଚାଳନାରେ ଗୌରଚନ୍ଦ୍ର ମହାନ୍ତି, ରେଣୁ ବାଳା ପ୍ରଧାନ, ଶ୍ରୀଚନ୍ଦl ପ୍ରଧାନ, ଧିରେଶ୍ ପାଣିଗ୍ରାହୀ ସହଯୋଗ କରିଥିଲେ ।
